الحث إلى السعادة بنيل الشهادة «المستهل : ميمر + چلمه ونص» «النص : شيعتي» يالتايه بحب الولايه اتجنس = واخذ الشهاده من علي واتشرف والشرف بالجنسيه يالذي اتريد السعاده = ومن عذاب الله كفاله اخذ من حيدر شهاده = ابضمن قانون العداله وبيها رسمك يطبعونه = ابمطبعة ذات الجلاله واللي حمل هاي الشهاده اتگرب = للمصطفى وباچر ابوجه الأبيض يلاگي وجه باريه اتجنس ابحب الولايه = واخذ من حيدر شهاده اتجند ابفرقة اميرك = واعترف له بالقياده هالقيادة ابغير حيدر = ما نصت بيها اراده واحمل شهادة حيدره واتنيّح = واحفظ درسها بامتحانك تنجح بالمدرسه الدينيه والنجاح ابها الشهاده = لو (علي) ابمهره ختمها امصدقه من الله ورسوله = وبيها للجنه اغتنمها انچان رادوا رسم منك = تدري شتأدي رسمها ؟ رسم الشهاده حب أميرك حيدر = سلم وخذ من القلم جنسيتك متصدقه وممضيه ماحضه ابهاي الشهاده = إله من يصفي ضميره ابعروة الوثقى ايتمسك = وإله ابمعناها سريره ويامن بالله ورسوله = ويعترف حيدر أميره يشهد محمد والوحي ابتصديقه = صدرت إراده ابها الإماره الحيدر نص نازل ورسميه قائد الإسلام حيدر = رشحه رب البريه وصار قائد جيش رسمي = مو قياده باكثريه وجعل سيفه بچفه آيه = ونزل وحي الله لنبيه وبلغ محمد أُمته ابوحي الله = اوضح معاني خطبته وحكمتها وأسرارها الفنيه هاك اخذ مني بيان = وبيه كل مسلم توسم لوشفت نفسك ابشده = وسور عاصمتك تهدم صيح يا بالغوث اغثني = ياعلي ادركني تسلم هذا الخبر من فم محمد وارد = يشهد احد لو ردت مني شاهد وامشي ابصفات النيه بعد ابين لك كرامه = خبر قدسي بيه وارد لو چنت ياصاح قايم = ليلك او راكع وساجد وتنصرف مدة حياتك = وانت عاكف بالمساجد هاي العباده بلا ولايه تبطل = وتعب التعبته وجهدك من المصدر يطلع صفر تاليه كل نبي ومرسل تعين = حيدر ابعصره وزيره سراً وبس المحمد = اظهر وكافح ظهيره الكون من كونه الباري = رشحه لحيدر اميره للكون حيدر من توله امره = للفلك داره بعزم ايد القدره والقدرة ربانيه (علي) عين الله البصيره = وحكمته ابغامض اسراره الكون لوجوده تكون = ودار بوجوده مداره انشد التاريخ بيمن = زاد جبريل افتخاره عالملك ظل يتفاخر ويتباها = ويعترف باستاذه (علي) وتعليمه علّمه الوحدانيه