الدليل ألأكبر في قلع علي باب خيبر «شيعتي» ياعلي لوما يمينك = باب خيبر من دحاها لون ماي يسراك ما رف = ملة الهادي لواها ياعلي اثياب القياده = الباري لوجودك جعلها لوترده بيها غيرك = لاحلت له ولا حله لها والوغة ايريد الها ساعد = والقيادة اتريد أهلها ولا جميع الحمل رايه = طلع من حگها ورضاها ابيوم خيبر صاب عينك = رمد والرايه اهجرتها وبگت من عگبك ذليله = وللنبي الحاله شجتها وخطب بالمله محمد = وخطبته الناس اسمعتها وگال هالرايه إمهضومه = اتريد راعيها وكفاها باچر انطيها = الفتاها ويدّه عن كل يد عليّه يحبه باريه ونبيه = ويحب باريه ونبيه كل عجيد ابگبله گال = المصطفى أشر عليه بالعكس حسب حسابه = هو للرايه فتاها والذي چان بأملها = بگه ابذاك الليل ساهر ايحسب وفكره ايتدكدك = ومن صبح مصباح باچر صارت الوادم ابگاله = وللنبي تربي النواظر ومن ترف الراية يرجف = گلب من بات ابرجاها ياعلي ابصوت النبوه = ناده بالأمه محمد علي صهري وابن عمي = البيه دين الله اتأيد جاوبوه اللي تريده = يارسول الله ارمد ومن حضرت النبي وعينك = من لُمه ثغره شفاها ابعزمك الرايه احملتها = وفوگ عزمك عزم ربك وعالدرع گلبك لبسته = وعالگلب إيمان گلبك ياعلي ابهاي المعاني = اتوشحت شيشيل حربك هاي معقوله وتنحرك = گوم مغلوله يداها مرحب ابحملاته ناجح = بانكسار الجيش مغتر يصيح انا السمتني مرحب = أمي وانا الموت الأحمر ياعلي ومن سمع صوتك = صحت آنه الإسمي حيدر اشلون صيحة الصار مرحب = أخرس أطرش من صداها ومن شرد يرتعد مرحب = ابليس چالكاهن عرض له هذا مو ذاك التخبره = وما ينحرك من ترد له چم ألف من گبل هذا = حيدر امسمينه اهله اشلون عين ابليس صلفه = حتى لصحابه غواها من اليغويها ايتبَرَّه = وآية انكاره صريحه وحالف ابمدة حياته = ميتكلم بالصحيحه ابليس تكفر من تشكره = وهاي مومنه نصيحه إبليس من كثر الشطاره = اجه ايكحلها عماها اشلون ضربه حيدريه = لمرحب ابهمه اضربتها اتبيض التاريخ بيها = وخلة المله استرتها ياعلي وقوة البيها = للحصن بابه اقلعتها ماهي قوة بشريه = لون يتكشف غطاها ياعلي وعالماي جدمك = ثبت والباب ارفعتها بيدك وعبره اصنعتها = للأصحاب وعبرتها وشتگول اللي تچذب = هالخبر لو ناشدتها جسر ثابت لو تگلي = گنطره اوبنَّه بناها امن اليهود اخذوا مغانم= حرم وبحالة يسرها من لفو بيها مسفره= الهادي بثيابه سترها والبنات الهادي بالطف= سلبوا منها يزرها عگب عين حسين صارت إعياله اتلوذ ناس ابناس من الخياله الخيل بالحافر سحگت أطفاله وعالحرم حگوا خيمها = وهاي ما واحد جراها ابكل ملل شان اليساره = بالچتل ما يروعوها ولو يتيمه من يتامى = حسين تبچي اتريد ابوها من عوض ما يسلوها = بالسياط ايلوعوها ونامت اسكينه من التعب والجور وبچبد عطشان وبگلب مكسور اتحسب ابجدها ولن گصر من نور وعالگصر جدها محمد = ابعالم الرؤيا أراها اتگلطت واشبگت جدها = سكينه وتنادي ابعبره الدهر يتمنى وكسرني = ابزغر سني اشلون كسره ابكربلا ذبحوا ولينه = والرمگ هشِّمة صدره يجد ريت اتشوف سهم البگلبه والرضيع انصاب بالنحر حربه ضامي وعلى الماي عينه تتربه ومن يتامه حسين كثره = يجد ماتت من ضماها الأنبياء ابگلب صادي = صاحت وفجر المدمع هلّه هلّه اشها لمصايب = مصاب من امصاب أفجع أخفي يسكينه ونينچ = گلب سيدنا تگطع اشلون ابطل النوح صاحت اسكينه من يحامينه وحرم ظلينه سلّبو عزنه وإچتلو والينه وآنه وحده من بناته = السلبو منها رداها للگصر طب الوصيف = وسكنه مالومه اتلوّه شافت أم موسى وخديجه = وآسيه ومريم وحوه بينهن أم المصايب = والظهر منها ايتطوه حسين يوليدي تنذبح عطشان صاحت البضعه والدمع غدران تلطم اعله الراس تنسف التربان گلها هاي امچ الزهره = والحزن ثوبه چساها فاطمه ابوجه اليتيمه = شافت اصواب الضهدها دموعها من العين فاضت = وگام يتگطع چبدها حضنت الطفله وتشمها = وناشدت حالة ولدها والدي مذبوح يمّي يالزهره ابكربلا مطروح ظل على الغبره سهم البگلبه طلع من ظهره والرزيه الشمر لبنچ = حز رگبته من گفاها تحن وتون الزچيه = وناشدت من اليتيمه من دفن جثة عزيزي = ومنهو متكفل حريمه جاوبتها اسكينه يمّي = صرنه من عگبه غنيمه اتغسل ابدمه وچفنه الذاري جسم ابويه حسين وانترك عاري وبگت ترعانه هيبة الباري ابهاي للمعبود حكمه = اقتضت وارضينه ابقضاها