راية النصر والخلود «شيعتي» ياحيدر إمن التكوين= سجلوا بسمك رايه وبسمك سرت =بالإسلام عالقبلة الرسميه والقلم باللوح سجل =حكمه وللباري اقتضاها واغرس ابگلبك شجاعة =زلزل العالم صداها وراية الملّ ابيمينك= تنشر من مبتداها والرايه آيه نازله = بصورتك ياعقد الوله وللكون من تتمثله = ماتجد غيرك فتاها وما تعله رايه اعله= الناس الا ابيمين القوه ماغير يمناك الملك= بالإيمان قوة اللاهوتيه ياعلي بسمك الرايه= علت للذروه العليه نسخت آيات الزمان= او طوت رايات البريه وسالمت چف التهدم= بيه عرش الجاهليه مرسوم للرايه سدر = بيها الأمان من الخطر وتفرست گلب الدهر = بالفراسه الحيدريه رايه ولوت جيد الكون =عالذل بسم حاملها ورفت بجو اليعترف= بالتوحيد بالسلطنه الدينيه شلون رايه اتسلمتها= ايدك من ايد الرساله ونور ايمانك چساها =بنور عنوان الجلاله والفت سيفك وسيفك =عمد ميزان العداله ومن ترف يرجف كل گلب = ومهدت للدين الدرب ولو ركزت بگلب الحرب = تفگس اعيون الضلاله والرايه رغماً على =الكون بيه تفتح وتتقدم لو چانت ابچف الحمل =ثگل الكون من اوله وتاليه خضت بالتاريخ أدور =رايه ما تعلاها رايه شاهدت راية محمد =بيد فاروق الولايه تصعد اجبال الحياة= وتنزل ابحور المنايه وتعود للحگ سالمه = وباسم الأمير امطلسمه وچف الحملها بصارمه = آيه ماتنسخها آيه والرايه لو بالميدان= تتمركز ابخطتها حاملها رب الهندسه= والتخطيط بالقاعده الحربيه اجمعت فاكرتي وحواسي= الخمس واتطلّب معاني شاهدت هالرايه بيها =ايلوح سر سبع المثاني شهد بالرايه شعوري =واعترف گلبي ولساني رايه وعلى گبة الفلك= تعله ويقدسها الملك بوجود راعيها الملك = شرف ماجد ماله ثاني والرايه لو بالكونين =تتشرف وتتقدس حاملها يچسيها المجد= والتقديس من ذاته القدسيه طرت بجناح العقيده= وجلت بالأكوان جوله شاهدت رايه وعليها =هيبة الباري ورسوله حامله الدين ونظامه =وتنشر افروعه واصوله والناس بيها تقتدي = وتامر وتعلن بالنهي لنها بوجودك ياعلي = فرقد السامي تنوله رايتك ربع المسكون= لو عجز عن گبلتها سيفك يخبط الها الحرب =ويصفيه والرايتك صافيه قدمت ايمان گلبي =وفكرتي واسع مداها شفت للإسلام رايه =ونايمه الأمه بذراها ساعد القدرة حملها =وعين كل حاسد عماها يرجف العالم من ترف = برواح قبلتها اتخطف ومن تغضب بيوم الكلف = تطلب الوادم رضاها والرايه لو چان السيف= والساعد ايساندها تحمل نياشين النصر= والتاريخ يتمجد ابماضيه هاك اخذ گرة اعيونك= يالمحب واسمع اخباره زود رايتنه ابعلينه =وللحرب دارت مداره رايته تشهد ابفضله=ثاني شاهد ذو الفقاره گبع الرايه بغانمه = وللسيف ساعات الظمه يرويه من فيض الدمه = وهاي للفارس مهاره لوشفت گلبك مرتاح =اشكر حليب الصافي والصافي دره ينشرح =صدره النور من حيدر وطاريه يوم شفت الرايه منها= النور بالكون ايتبادر ويوم شفت الرايه تربي= اعيونها المحراب حيدر صابها سيف ابن ملجم =والدمه من اصوابه فجر مثل الأمير امصوبه= ابدم الشهاده امخضبه ومدهوشه من النابيه = وبس تصيح الله واكبر واتنادي ياحامي الجار= صوبني سيف الصابك ومن عگب عينك ياعلي =بيوم الضيج منهو ايتوزم بيه ومثل هاي الرايه رايه= شاهدت بالغاضريه اتصيح ياعباس مثلك= رايتك ظلت رميه صابني سهم البعينك =والعمود الگطع بيه مثلك تراني اتوزعت = ومثل الچفوف اتگطعت وياك عالشاطي طحت = ونايمه ابحجر المنيه وشبت ابگلبي النيران= من وجرت بخيامك وچني عگب عينك رحت= للشامات ويه الحرم مسبيه چني بالعباس دون= المشرعه جسمه ايتگلب ايصيح بالرايه إعله= هونچ لاتكثرين المعاتب ومن عگب عيناي حالچ =خل يواسي حال زينب خليني اموت ابراحتي = واگربت مني ساعتي عندچ علم يارايتي = ماعله المحتوم معتب يالرايه وابدال الماي= ودي دماي الزينب وخلها تخضب بالوفه =والمعروف تحزن على راعيه