أُصول الدين وفروعه وختاما بالحسين (ع) «شيعتي» دستور دين ألإسلام = بألله ورسوله إتأيد يالتنشد إعله التأييد = حيدر علم تأييده فرض عالمسلم =يوحّد ربه ويقدّس جلاله ويعترف بألله =عادل وإيتمسك بالعداله يهتدي إبنور الولايه =وبيها تتحسن إعماله ويحفظ من الخمسه ألأصل = وبفروع دينه يتصل ومن حيدره ياخذ وصل = من يصدق بالرساله أول فريضه التوحيد = من ألأصول الخمسه وإيمان گلب اليعترف بالتوحيد = حيدر علم توحيده والعدل ثاني فريضه =ومن صفات الباري آيه إعترف بألله عادل= بألأحكام إعله البرايه وإعترافك بالعداله= ما يفيد إبلا ولايه ثبت يقينك بالعدل = وصدگ إبإرشاد الرسل ولأمر النبوه إمتثل = وفوز بثمار الهدايه وثالث فرض برض الدين = هرش النبوه ورّد وهرش النبوه لو زهر بالتوريد = حيدر علم توريده ومن أُصول الخمسه =رابع فرض بالدين ونظامه فرض باري الكون =عالمخلوق دستور ألإمامه مبدأ الدستور عقد =الوله وبالمهدي ختامه وهدعش چوچب مزهره = من نور عصمة حيدره وصارت أنوار الزاهره = إبجبهة المؤمن علامه وشرع الديانه إبتنظيم = علم ألإمام إتحدد ثبت يقينك وإعترف بالتحديد = حيدر علم تحديده ومن أُصول الدين= خامس فرض ميعاد القيامه صدگ إبيوم المعاد= وبالعمل إحمل وسامه وألأعمال إبلا ولايه =صفر عند أهل الكرامه إبحب الولايه النص نزل = من ألله والهادي حمل حي على خير العمل = وفاز من بيه إلتزامه تصديق يوم الميعاد = يتقدس ويتمجد وأسرار دينك تشهد إبهالتمجيد = حيدر علم تمجيده وبالصلا والصوم =إفلح خمِّس وأدّي زكاتك وإخذ هالأربع فروع =من الأصول إبواجباتك ونورهن حب الولايه= وبالولايه إمنوراتك وهاي المعاني أللامعه = حكمه ومحاسن جامعه وإخذ الفروع ألأربعه = وبيها تتنظم حياتك وبفروع دينك يا صاح = لو طير سعدك غرد وطير السعاده اليبتهج بالتغريد = حيدر علم تغريده وصا رحج البيت خامس= فرع بشراف ألإطاعه والجهاد إيصير سادس= فرع بي عزه إو مناعه وأمر بالمعروف سابع= بيه للمصلح بضاعه وينها عن المنكر فرع = ثامن وبسراره إطّلع ومن منطقك نوره يسع = لو چنت تنها إبوراعه إمشي إبورع وإبإيمان = وإمن الضلاله إتبعد من الضلاله إللي يريد التبعيد = حيدر علم تبعيده والولايه فرع تاسع= طوگ وبجيدك قبوله وبالولايه الدين يكمل= وجمعت إفروعه وأصوله والبراءه فرع عاشر =صار بامر ألله ورسوله وإللي يوالي واليود = حيدر وأخذ منّه الگصد ومن الولايه إخذ الورد = بالضمه الكوثر تنوله ساس الهده وركن الدين = بسم الولايه إتشيّد يشهد الدين ويعترف بالتشييد = حيدر علم تشييده هاي أصول الخمسه =عندك وإحفظ الدينك أمانه ومن الخمسه إفروع =عشره إتولدت لهل الديانه إمحصنه إبحصن الولايه= وبيها للخايف أمانه بيها ألأمان إمن الخطر = مصلح ألأكبر للبشر ومن الوحي إخذ الخبر =وشوف شيگلك بيانه إخمسطعش حكمه إو إرشاد = والكون بيها إتمهد ويشهد الكون ويعترف بالتمهيد = حيدر علم تمهيده هاي أصول الدين= وفروع اليلازمها تريده يقتدي إبوالد اليمّه= المالوه عالضيم جيده ومن توجه عله القبله= ومعرض الحزت وريده للقبله راشد نيّته = وبحده وگفت صحبته وبذلت مهجها المهجته = وتشگف إسهام التچيده لو گلت ليش ألأنصار = دون الحسين إتفادت إنشد ألإيمان ويخبرك شتريد = عز الديانه إتريده إشلون حاله الوگف بيها= حسين لايج بالمعاره إيشوف كلسا چبد منّه= إيطيح والدم إيتجاره يعتني ويشيل جسمه= والگلب تلتهب ناره ضلعه إنحنه وظهره إنكسر = وإنگطع گلبه إعله النهر وشاهد لعد هاشم گمر = إمگطعه إيمينه ويساره مصرع گمر هاشم صاب = گلبه ومرد دلاله چبد الحسين تگطع من التمريد = عالمنصرع تمريده ما بگه لحسين ناصر= غير طفل الچان يفغر إمن العطش يبسن= إشفافه وإنچبد لونه وتغير وإذبلت وردة حياته =وذاب دلاله وتفطر لن زينب إبدمع اليهل = نادت يبن سيد الرسل هاك إخذ يبن أُمي الطفل = وبدليله النار تسعر والطفل مشرف عالموت = ظامي ويبس ثدي أُمه لو ما حليب إمن الثدي إيصح بألإيد = لهو الثدي شيفيده إتگابلت زينب وأخوها= للرضيع إتريد چاره والگلوب إتهيج نار= وجمر يتجادح شراره والطفل دمعه إيتفايض= من دليله ومن أثماره وصاحت وديعة فاطمه = مات الرضيع إمن الضمه ونار العطش بي مضرمه = والشهاده بإنتظاره وسهم المنايه المسموم = عد حرمله يتنطر والسهم كون الطفلك إيطوّگ جيد = هاك إخذه طوّگ جيده