شخصية ألإمام علي عليه السلام «شعيتي» شيگول الگلب دسمع يحيدر = باسم الله او رسوله هاك اخذ العهد هاك = دنيا او آخرة اوياك باسم الله او رسوله الباري من كونه الآدم =واجعله إبها لكون آيه اخذ جبرائيل قبضة =امن التراب ابضي هدايه واعجنه ابماي الولاية= اوبيك مختصة الولايه آدم امن الحكمةانولد = واحنه على ذاك العهد نمشي ابعقيده او معتقد = من المبدأ للنهايه حبك ياعلي ايزكي عملنه بالدارين وايحقق أملنه او حلينه ابثناياك = باسم الله او رسوله ياعلي حكمة ولائك =فرج للمخلوق أجمع أنبياء اورسل بيها =او عالم العلوي تمتع من الحوت انجدت يونس= والسفينة نوح مصنع ياعلي اوربّك قدرك = إبشمعة محمد نورك وبأمردينه بصرك = وانت مبدأ وانت مرجع وابمسراك ياحيدر سرينه خل يشهد رسول الله علينه نحيي انموت بحماك = باسم الله او رسوله ياعلي صورة ولائك= نورك امعلي ضحاها وين اليضاهيك وينه =والحسد عينه عماها ارد انشده اوخل يگلي= نار نمرود اشطفاها نورك يطفي المسعره = وفاضل الطينه الطاهره بحماك دنيه إو آخره = وانت ما تگطع رجاها واحنه ياعلي فاضل الطينه وانحبك على سنة نبينه مشغوفين بهواك = باسم الله او رسوله ياعلي اكسر حبك= بيه تصفية الضماير اوضامر البيه ايتركز =حبك امن الدنس طاهر وجاعل الباري وجودك= تنكشف بيه السراير يالحبك الباري اصنعه = قبلة الصافي مرضعه هاك اخذ گلبي او طالعه = او شوف من حبك اشذاخر اگبال العدل والتوحيد صوره حبك والگلب يزهر ابنوره وايتمتع ابمعناك = باسم الله اورسوله ثلثتقسام العوالم = ياعلي بهواك صارت فرقة عبدت إلك سجدت= فرقه بالتحليل حارت فرقه دركتها الرسالة =وابمصادرها إستنارت واحنه العرفنه ياعلي = بيك الحقايق تنجلي وبمقتداكم نقتدي = إشما ليالي الدهر جارت گلبنه الطرايق ما وجدنه درب البيه يتأكد رشدنه بس دربك او مبداك = باسم الله او رسوله إلك يا بالحسن مشهد= بالغدير اشلون مشهد او سدر مرسوم الإلهي= او شدْلك المرسوم مسند ما حمل بالبشر مثله =لاوحگ رب التوحد تبيين ربك بينك = تعيين رسمي عينك والراد گلبه ايوازنك = ليش ما مثلك تأيد بيك انعلگ مصباح الإمامه بيك اتكمل الدين اونظامه واتسلم ابيمناك = باسم الله اورسوله ياإلهي ابناظر= السهران عالدين اوحياته ايريد تكبيرة ( علينه ) =او سيفه تنزل صاعقاته عاليهود الخيبريه =او هاي أسهل معجزاته اگلوب اليهود امروعه = من يوم خيبر فازعه والقدس أصله او مرجعه = للإسلام او عاصفاته باسمك ياعلي خصمك نچيده ونبني مجد امتنه المجيده وانعيد الفتح ذاك = باسم الله او رسوله