إحذر الدنيا وختاما بالقاسم (عليه السلام) «شيعتي گعده»(1) يا صاح خل عنك الدنيه وهواها لا تتبع إهواك = دنياك دنياك كل ساعه صوره والدهر واضح بيانه إحذر الدنيه =التنجلب كلسا إبصوره والجهل مغفول عنها= وشامخ إبغيها غروره واليحللها بشعوره= ذاك يتقدس شعوره يالراضع بثدي الجهل لا تجر بحبال ألأمل=تعثر إجدامك بألأجل إنتبه من غفلتك دنياك عبره لا تظل مغفول = ولتظن يمجهول سايج الدنيه ينطوي إبچفك إعنانه وإعتبر دنياك روضة =شرف مغروسه الرباتك لا تخبط إهروش بيها= تنگطف وردة حياتك إتجرد إثياب المذلّه= وإرتدي بعزّة إباتك وترَشّح إبنور الورع سن الطمع سن الطمع = بالصخر لو ينبت رتع لا تفتح إبوجهك أبواب المطامع لو ردت ترتاح = يا صاح يا صاح إنصف وناصف والجهل قَصِّر إلسانه إرياض دنياك المزهره =نابت إعله الشر شجرها لا لتجني ثمر منها= وإنشد الضايگ ثمرها تهجس إبثغرك شهدها =وينمزج بالريج مرها وإكتفي ولا تنشد بعد لتشيه عينك بالحسد= نام برغد نام برغد لو شفت عمّ الخطر والفتن تسعر (سلمى) بشرف = كون آمن ومأمون لتخون دينك والوطن شيّد كيانه والوطن غذاك نبته =وريع جسمك من نميره لا تغضّ البصر عنّه =لو چنت صاحب بصيره وكون إلك بالدين عروه= تلتزم بيها السريره مبدئك إلزم مبدئك مرجعك أصلك مرجعك = وأللي تضيعه يضيعك ميضيع لو ينعقد شرّ إتّصالك بأصلك ومبداك = تتجلّه معناك لو واصلت حبل إتّصالك بالديانه إنهج إبمنهج كتاب= الباري وبسنّة نبيّه(2) لو فكرتك متحملها= معنه قرآنك خفيه إقره دستور التمدن= والحقوق المدنيه نهج البلاغه منرسم مفتاح قاصة كل علم = ونبراس مصباح الحلم وسرّ الحكم منطوي إنهج البلاغه ما تعمي الگلوب = ولتيه الدروب لو نعتبر نهج البلاغه مقتدانه إعتبر نهج البلاغه =منهج الدستور دينك كون إلك توفيق سامي= ينطوي إزمامه إبيمينك تحافظ الدينك أمانه=وبالوفه تلبّي يقينك وتقدّس الحافظ وصيّة عوده ولحسين سلّمها وبذل مجهوده = والحسن نال بضنوته مگصوده عرّيس ومنصّته إتراب الشهاده ما ضيَّع إدعاه = والعرس خلاه ومن دم وريده خضّب إچفوف ألأمانه سر دليل الحسن جاسم= وأفجعه بالغاضريه وبالگبر ظلّت عيونه= شابحه الجاسم إربيه إنفجع من شاهد عزيزه =إينازع إبحجر المنيه جاسم يجود بروحه فوگ الغبره والحسن مثل إبنه يلوج إبگبره=وحسين تتكسر إبصدره العبره وطاح أبو اليمّه إعله ريحانة عضيده وإتمدد إوياه = وتحنّه بدماه وإحرگت گلبه المنفجع جمرة أحزانه وبالمعاره حسين لايج= حاير إبشيلة القاسم(3) وبالخيم نصبت الحوفه =وتنتظر جيته الفواطم ساعه لن حسين إجاها =وجاب عرّيس الهواشم وينادي إلمن هالشمع والحنّه عرّيسنه إبدم الوريد إتحنه=غلگن الحوفه والشمع طفّنّه مد جاسم بصف جسم ألأكبر وبگلب الحسين = نار الشبابين ألله يعين العالجمر ثابت جنانه وإنحبت رمله الولدها =وبالنحب شاركت عمّه وضمّته إبحجر المودّه= أو گامت إبنحره تشمه مثل دمع عيون رمله= نحر جاسم فاض دمّه إسم ألله إعله طولك يا شباب تنادي يا ريع گلبي ويا نمير أفّادي =بيّضت وجهي عد بنات الهادي أوفيت ثدي أُمّك وأرضه رباها لو فاتك اليوم = عرسك يمحروم أجَّل الباري عرسك إبروضة إجنانه