الوعظ وألإرشاد والدعوة إلى السداد «هجري» تنتصب محكمه كبرى للخلگ بالآخره= شافع الأمه محمد والمحامي حيدره اعمل ابدنياك صالح تنجح ابيوم النشور=ما يدوم الدهر (والدنيا متاعاً للغرور) انچانك راغب الجنه وتود تستخدم الحور=كل وكت حط المعاد اگبالك اواتصوره واحذر اليوم اللي بيه الحامل اتذب الجنين=وكل فرد حاير ابروحه للفرج شابح العين وعنه ماتغني أمواله ولايفيدونه البنين=وتنظره الوادم اسكاره ابغيرخمره مسكره والشمس من سمه الرابع تنزل بأول سمه=تصلي مخك والوطيه نار حدرك مضرمه وما إلك أمر التكلم فاك ربك خاتمه=والحساب اگبالك وخلفك جهنم مسعره حين تسجيل الإفاده والمناقش بالحساب=ايفور تنور القيامه ويجري طوفان العذاب والسفينه التنجه ( بيها حب علي ) داحي الباب=بالولايه اعتصم واسمك خل يقيده ابدفتره (يجري)(1) التحقيق لمن ينعرض للانتقام=يگوم قانون العداله بحكم ابين الأنام منهم التوقيف حكمه ومنها بجهنم عدام=والذي تاخذ تبريه ابنور عصمه امنوره ينزل أمرالله لمحمد والعلي يوم الوعيد=(ألقوا) بجهنم الكافر والتعرفونه عنيد الكافر الشك بالنبوه وجحد قرآن المجيد=والعنيد الما تبصربالولايه ناظره ثلث تقسام البريه بالحشر يتقسمون=قسم أهل بيت الرساله البيهم اتكون الكون وبصريح الآية همه (السابقون السابقون)=ومن عواطفهم تمس (اللاحقين) المغفره وفرقة الثالثه من الله ينزل عليها الغضب=وبالسلاسل يسلكوها وهي تزحف عالركب (بصورة الجن بآية الخامس عشر خصهم الرب)(2)=منهم اتمنه البرائه انچان عندك فاكره اتمسك ابحبل المتين وعروة الملها انفصام=ولا تظل تبحث وخوفي ايعارضك سوء افتهام اختم الأخبار كلها واخصم وياك الكلام=ما يعبرك غير ( حيدر ) من تگف عالگنطره كل نبي وكل وصي ابذاك اليوم يندب حاجتي باإلهي الناس تعتق من عذابك رگبتي بس نبي الرحمه ينادي ياإلهي امتي للمختار حق الجزه من الامه=كل جرار بالعتره ينفض سمه وبالبسمار من چبده اجروا دمه=واستلم منها الوديعه اظلوعها متكسره ابظهر ناگة نور تتوسط المحشرفاطمه ناشرة ثوب الحسين الناجع ابفيض الدمه ياإلهي الماي مهري وفطر چبد ابني الظمه وللمعبود ترفع اچفوف العباس=دون الماي گطعوهن ارجاس الناس وبعامود فضخوا من وليدي الراس=ياحكيم احكم ابيني وبين گوم الفاجره والغريب المات ظامي حسين وبكتره النهر من يطب للحشر متخوصر ومحني الظهر جثته بلا راس لاچن يبدي صوته من النحر آنه حسين وآنه عزيزالزهره=والمظلوم آنه وچتيل العبره والعطشان وآنه صريع الغبره=وانت تعلم يا إلهي بالذي صار وجره والحجر شاهدته يارب حين صكها الجبهتي وشاهدت سهم المثلث من توسط چبدتي وطحت من الغوج ساجد إلك يارب سجدتي وعالتربان ظليت ألوج ابروحي=ودمي ايفيض عالغبره من جروحي واثگب نوح سبع الشداد إلنوحي=ونار المخيم ابچبدي ياإلهي اموجره والفرضته علي يارب گمت بيه ابكربلا وهذا راسي بين ايديّه وهاي جثتي امثله وعاهدتني بالشفاعه او واعدت بيها المله وهذا اليوم يوم الوعد وآنه حسين=الشيعه اتريد حگها وعلي إلهم دين وچانت دوم تجري علي دمع العين=اشلون اخليها تلوج اوعالصراط امحيره يرد من الله جوابه ياعزيزي ياشهيد الك مذخوره الشفاعه اشريتها ابدم الوريد بين اديك الناس كلها اختار منها اشماتريد يگوم حسين يتشفع الزواره=ومن الناس كل المحب يختاره وبالفردوس شيعته اتحط بجواره=يالتخدم احسين أجرك ذخر آخرتك تره