في المواعظ والحِكَمْ «ميمر» دنياك يا صاحب لتامن بيها= ساعه ويصير السافل إبعاليها يالمنغفل لو تشم وردة دنياك= تنطيك منها إشما تريد إعله هواك إتوهدنك ومحارف تظل تمشي وياك =تماشيك خطوه وعشره ترجع ليها إمشي إعله هونك والهوه ليغرك= مادمت حي عالناس ليعم شرك إبسن الضحك مبدأ الدنيه يسرك =(يبچيك ويكدرك أهو تاليها)(1) لتغرك الدنيه إبهواها وتغتر =سمّحت للمصعاد گبلك جعفر غايتها بالنزله يگع يتكسر =يشهد لك التاريخ عن ماضيها سمّح إدروبك وإجتهد بعمالك =وإسأل من المعبود يحسن حالك ما دام هادم لذتك يبرالك= شمعة حياتك ساعه ويطفيها لتشاور الدنيه ولا تأمنها= ولو شاورت فكرك لتسمع منها إتجنب الظاهر وإكتشف باطنها =ميّت وجه متبطّنه تلگيها إبنهج البلاغه لو چنت تتصفح =دنياك إلك مثل الشمس تتوضح لتخوض غيها وبأرضها تمرح =أمثال مثلك تاهت إبواديها لو چنت هالأخبار ما تقبلها =الباري إبكتابه ألآيته إمفصلها دنياك إلك لهو ولعب مثلها= عبرة وكت بالجهل لتگضّيها لو گلت هالآيات ما هن عن ساس= ولا تمشي بالمشروع ما بين الناس وتظل عله جهلك إمحافظ لا باس =(الشيطان كثره مثلك الغاويها)(2) لو ردت منهج بي يهون إحسابك =إنهج بقرآن المجيد إكتابك ما دمت حي حافظ عله آدابك =ولو عاهدت لعهودك إتوفيها ما ظنتي يوفي العهد بالكونين= واحد مثل عباس من وافه حسين إبروحه صِخه وبچفوفه وصبي العين =والرايه ظلت تنحب الراعيها عالمشرعه من ظهر غوجه إتكور= وحسين واجف بالخيم يتنطر من شاف طاح العلم لونه إتغير= والحره زينب ناشدت واليها يا بن أُمي مالك شو تغير لونك؟= إتصد للشريعه وتهل دمع عيونك إبظنتي إنچتل نعم العضيد وعونك =گلها الفواطم بالخيم لمّيها ريتك يشيعي حسين حاله إتشوفه = يوم الوگف دون الگطيعه إچفوفه ناداه مثلك يا أخو إللي أوفه = إيحگ لي عليك إضلوعي من أحنيها