أمثال ومواعظ وحكم(1) «ميمر» يا صاح خوض إبوديان عصرك وإخذ صافيها رج ماي عصرك وإخذ صافي الوديان=ما دمت حي للخرس لتصير إلسان نام إبرغد والكون كل ساعه إبشان= ناس اليضحچها وناس مچدرها ومبچيها من الطمع لا تفتح إبوجهك باب=توگع بأيراد ومصارف وحساب وللدنيه من (تجفيك)(2)لتوجه إعتاب=يعجز إلسانك دنياك ميفيد عتبك بيها إنتبه لو غافل چنت عن هالراي=إرگه إبعلو من ينحدر سيل الماي وأهل المثل بينولك العدله إبهاي= من ألأرض سيل الماي يتدردغ إبناصيها واجد لتصعد لو شفت صافي إهواك=وعألأرض لا مرح تمشي إبممشاك لا تنغفل وتدوس جمرة دنياك=ما سامع إبجمر النار يحرج رجل واطيها لتبيح سرك تظل للسر مكتوم=ما يحصل اليكتم السر إبهاليوم وحمل الرها عن قوتك بي لتگوم= لو ردت يهناك العيش گدّرها لتغص بيها عد المهالك لا تهيم إبشرها=جنَّب حِجرها وإنفطم من دُرها وإيد الذي ما تگدر إتناحرها=لا تمد إيدك تلويك من گبل ما تلويها روضة حياتك من تطبها مسرور=إخذ الثمر وإترك حياة الناطور لا تذب حبلك عالدرب يالمغرور= هم تعثر إجدامك بيه والنعمتك تچفيها بالدنيه لتظل تجر حبل آمالك=ينگطع خوفي وتعثر بآجالك مالك ثمر من غير حسن آجالك=إحسن أمورك يا صاح والنيّتك صفيها بسيف الحلم سدّر جبيلة أمرك=وإشگف مواضيها إبتجلد صبرك إقره إب «ألم نشرح»توسع صدرك=يسر العسر للميسور يظهرلك إبتاليها إبمنهج الباطل ميحَصًل مگصودك=وبمنهج الحگ من تذب مجهودك ميضيع أجرك لو فديت أوجودك=من گبلك أنصار حسين لرواحهم فاديها من سگط مسلم منصرع عالغبره=إتچنه إبضعيف الصوت يابن الزهره ما شاف لن واجف حبيب إبكتره= ومتخوصر إعليه حسين والگامته محنيها تگلط حبيب إو رفع راسه إبحجره=يطبج الطبره ويشم گام إبنحره ويگله شوف حسين حاني ظهره=متخوصر وعينه إعليك من مصرعك جاريها مصرعك مارِد چبدتي أو ماذيني=ومن عيني أهجس طايح إصبي عيني شنهي يمسلم رادتك وصيني= بالجنه يالسابج فوز والجنتي تانيها صد (لبن)(3) ظاهر مسلم إو يتناحب=وبضامره نار العطش يتلاهب (هلّة إنهلّه)(4) يا حبيب إبزينب=ولتگصر إبحگ حسين والغربته راعيها إبشر يمسلم جاوبه عد عيناك=ثابت تجدني عالعهد من بعداك من بعد ساعه بالخلد وعدي إوياك=روحي تجدها لحسين والزينب إمضحيها