لا يُدرك الحق إلا بالجد «ميمر مذيل» سمِّح إدروبك = يالتريد الراحه دنياك رجها وإغتنم صافيها = يالتريد الراحه رج ماي عصرك وإخذ صافي الوديان = إو لا تصير إبمحنه ما دمت حي للخرس لتصير إلسان = إو لا تخوض الفتنه نام إبرغد والكون كل ساعه إبشان = والصبر نعمتنه جاري زمانك = يالتريد الراحه والدهر شانه التضحك إيبچيها = يالتريد الراحه من الطمع لا تفتح إبوجهك باب = وإجتنب وإتكتّر توگع بأيراد ومصارف وحساب = والمشاچل تكثر وللدنيه من تجفيك لتوجه إعتاب = إو منها لا تتكدر طلگ الدنيه = يالتريد الراحه إشما عاتبت ميفيد عتبك بيها = يالتريد الراحه إنتبه لو غافل چنت عن الراي = وأطرد إبميدانه إرگه إعلو من ينحدر سيل الماي = إو وفّي الطوفانه وأهل المثل بينو لك العدله إبهاي = هاك إخذ عنوانه سيل التحدر = يالتريد الراحه من الأرض يتدردغ إبناصيها = يالتريد الراحه واجد لتصعد لو شفت صافي إهواك = ينخبط كل صافي وعألأرض لا مرح تمشي إبممشاك = بالشريعه إينافي لا تنغفل وتدوس جمرة دنياك = إو بالمثل سر كافي إو بالمثل تلگه = يالتريد الراحه والنار تحرج رجل اليواطيها = يالتريد الراحه لتبيح سرك تظل للسر مكتوم = لا تروم الذله ما يحصل اليكتم السر إبهاليوم = واليسد الخلّه وحمل الرها عن قوتك بي لتگوم = خلّه عنك خلّه لو ردت عيشك = يالتريد الراحه طعمه إيهنه گدرها لتغص بيها = يالتريد اراحه عيذ المهالك لا تهيم إبشرها = وإچفي عنك شرها جنَّب حِجرها وإنفطم من دُرها = والمهاوي درها وإيد الذي ما تگدر إتناحرها = رد و لا إتناحرها لا تمد إيدك = يالتريد الراحه تلوي يمينك گبل ما تلويها = يالتريد الراحه روضة حياتك من تطبها مسرور = إنتعش وإتبهلل إخذ الثمر وإترك حياة الناطور = وإكتفي إو لا تسئل لا تذب حبلك عالدرب يالمغرور = أمّن المستقبل وإخذ النصيحه = يالتريد الراحه خوفي إتعثر والنعمتك تچفيها = يالتريد الراحه بالدنيه لتظل تجر حبل آمالك = ما تنول آمالك ينگطع خوفي وتعثر بآجالك = بين إيدك آجالك مالك ثمر من غير حسن آجالك = والثمر بعمالك إحسن أمورك = يالتريد الراحه والنيه بفروض العمل صفيها = يالتريد الراحه بسيف الحلم سدّر جبيلة دهرك = وأكتفي عن دهرك وإشگف مواضيها إبتجلد صبرك = والنجاح إبصبرك إقره إب «ألم نشرح»توسع صدرك = رحب يبگه صدرك طالع ألآيه = يالتريد الراحه يسر العسر يظهرلك إبتاليها = يالتريد الراحه إبمنهج الباطل ميحَصًل مگصودك = لو ردت مگصودك وبمنهج الحگ من تذب مجهودك = يحصل إبمجهودك ميضيع أجرك لو فديت أوجودك = لليزكي إوجودك إتبع الصفوه = يالتريد الراحه دون الحسين أرواحها فاديها = يالتريد الراحه من سگط مسلم منصرع عالغبره إتچنه إبضعيف الصوت يابن الزهره ما شاف لن واجف حبيب إبكتره ومتخوصر إعليه حسين = والگامته محنيها تگلط حبيب إو رفع راسه إبحجره يطبج الطبره ويشم گام إبنحره ويگله شوف حسين حاني ظهره متخوصر وعينه إتفيض = من مصرعك جاريها مصرعك مارِد چبدتي أو ماذيني ومن عيني أهجس طايح إصبي عيني شنهي يمسلم رادتك وصيني بالجنه يالسابج فوز = والجنتي تانيها صد ( لبن)(1) ظاهر مسلم إو يتناحب وبضامره نار العطش يتلاهب (هلّة إنهلّه)(2) يا حبيب إبزينب ولتگصر إبحگ حسين = والغربته راعيها إبشر يمسلم جاوبه عد عيناك ثابت تجدني عالعهد من بعداك من بعد ساعه بالخلد وعدي إوياك روحي تجدها لحسين = والزينب إمضحيها