صـارت عـلم والـبيه الـم         يـــنـــشـــد طــبــيــبــه


كـلما قـسى ويـاي الدهر         وبـوجـهـي ســـد الـبـاب
يــا كـربـله لارضـج احـن         يــــا ريــحــة الاحــبــاب
مــن ابـتـعد عــن تـربتج         بـجـفوني اشـيـل اتـراب
بـيـه الامــل بـيه الـشفه         مـو بـس حـزن ومصاب

اقـسم قـسم والـبيه الم         يـــنـــشـــد طــبــيــبــه


لـــو سـافـرت وتـغـربت         يــبـقـى الگلـــب ويـــاج
وابقى انتظر فوگ الجمر         مــايـنـحـمـل فــــــرگاج
يـــا كـربـلـه والـشـرفـج         واشــــرف ارض خـــلاج
لـهفة طـفل ضـاع بغرب         اتـــلــهــف لــــمـــلگاج

گلـبي انـجسم والبي الم         يـــنـــشـــد طــبــيــبــه


طـبع الشمع من يشتعل         تــخـلـص دمــوعـه وداع
و حـال الـنهر لـمن يجف         تـبـجي عـلى حـاله الگاع
بـعدج اظـل مثل السفن         تــاهـت بــلايـه اشـــراع
مـهما حصل ابقى الوفي         والــيـشـتـري ومـــابــاع

اصـبـح عـدم والـبيه الـم         يـــنـــشـــد طــبــيــبــه


دمـعـي فــلا مـثـله دمـع         غــيـر الـتـعـرفه الـنـاس
يـشـبـه دمــع ام الـخـدر         لـــمـــن وگع عـــبــاس
فـتوة مُـحب ارض الوفه         مـــو بـالـجـدم تــنـداس
لازم زحــف نـوصل الـج         يـامـن رفـعـتي الــراس

والـمـافـهم والـبـيه الــم         يـــنـــشـــد طــبــيــبــه


اشـتاگ الـج دمعه وجرح         واصــــرخ واظــمــج آآه
غـيـرج شـفـت وتـولعت         فــتــره وگدرت انــسـاه
مــن الـمـهد حـبـج كـبـر         بــيــه وكــبــرت ويــــاه
اصـعب مرض ماله شفه         هـــــذا الـــتــراب إدواه

لا مــو وهـم والـبيه الـم         يـــنـــشـــد طــبــيــبــه