الفقرة الثالثه جسمك من وقع يم الشريعه ضيعت اليتامى شلون ضيعه ادركني يا عباس=يابو الشيمه و الباس شاف ابعينه الماي=مثل الذهب يتلالى و منه الجبد ملتاع=مد إيده صوبه و شاله ظامي=و بجسمه العطش تدري اشسوى دامي=و من ذاك البدن خارت القوه مد اجفوفه للماي=و حست إيده ابّرده تذكر لنه احسين=ذايب بالظمى جبده بالحال=دب الماي جفه و ما تروى قلها=ينفسي اشلون؟ ما ترضى لمروّة ما أرضى أذوق الماي=أبداً ترفض الغيره طبع القمر و النور=يعكس ضيّه الغيره و طبعي امن الصغر لحسين سقاي ما يعطش أخويه و بُردي الماي و لو دارت رحى الأيام فدّاي ما عندي أنا غير الوفا راي مو هذا الذي جدّه=أملاك السما اتزوره؟ هذا ضنوة الزهرا=و من حول العرش نوره مو صعبه أعوف الماي و ارميه و انا الي نذرت الروح تفديه شوقي اللي حملته وين اوديه وين ايكون غير احسين واديه؟ ما تشوف الماي عيني=غير خيّي ما أشوفه و ما يمس العطش قلبي=و نفسي بالوالي شغوفه و لو سقيت الماي جبدي=يلفظ الماي اويعوفه و لو يعبّ الماي جفي=الزّند يرمي اجفوفه آنه لجلك مذخور=امن الصغر متربي فدوه روحي يحسين=عاهدت بيها ربي من يهل ماي العين=شبت لواعج قلبي و الوفا اعليّه دَين=روحي تجي و تلبي