ياحُسين= نحن أحرمنا هوى عن كُل معشوق سواك ياحُسين= نحن طفنا حول معناك وذبنا في هواك يالنويت الحج الاعظم= مشعرك صارت طُفوفك صرِت للعشاق قِبله= يسعى هالكون وْيطوفك كل صباح وْكل مسيّه= تلبية قلبي حُروفك واظن قلبي يعوف نبضه= لﭼن ما يقدر يعوفك زمزم دْموعي أصبّه= لو لمح جرحي طُيوفك وينخسف بدر المسرّة= لو ذكر قلبي كُسوفك ياحسين= وأنا في منْسك الوجد تجلبَبْتُ رؤاك ياحسين= شيعتي مهما شربتم لستُ أنساه نداك صرِت أسعى بّين حزنك= ياللي أحزانك مشاعر وبين صبرك ياللي صارت= مروتي قلبك الصابر كل أرض بعيوني طفّك= وكل زمان اعتبره عاشر لو نغَم اسمك تليته= دمعي ما يقدر يكابر ولو سمعت اسمك يغالي= قلبي لاعتابك يهاجر دمعي وْحزني وسلامي= عْليك يعرج بالمشاعر ياحسين= أنت جنّجتَ شعوري ليلبّي في سماك ياحسين= أنت هذّبتَ فؤادي ليصلي في ذراك الخليل اختار حجه= بْمكه واليشهد مقامه لبّت الوادم نداءه= وشهر ذي الحجه علامه وانت كل الكون لبّى= بْحجك وْأعلن هيامه كل قلب عاشق يطوفك= وكل زمن أنت إمامه بْقلب لحظاتي احسك= نبض يحييني بكرامه ولو يزل جدمي ترفْعه= وينهض بقومة سلامه ياحسين= حجك الكونيُّ وِردٌ فيه ينساب هداك ياحسين= ودليلي لو غفى التسديد في دربي بهاك أحرمِتْ عن كل مسرّه= من طحِت من ظهر مهرك وقلبي يتوشح سواده= لو يطوف بحرم ذكرك كل عطر ينقض احرامي= بس عطر من طيب قبرك وما أتم حولك طوافي= لأنْ وجْه الله انظْرك ودّعت أغلال ليلي= من تنفس بيّه فجرك وقلبي من سربال ذنبه= تخلّص بْميعاد عشرك ياحسين= حجُّ عشقي دائمٌ ما دام في القلب هواك ياحسين= حَلُّ إحرامي بحشري إذ ْعلى الحوض أراك فيك احج حجّ المتيّم= وبْنبض جرحك طوافي دمّك الجاري سقاني= زمزم التوحيد صافي أسعِي بْمسعى الولايه= والسبب لطفك الخافي الدنيا ما يغريني ودها= والسبب جذْبك الضافي لو أظل أطوي عْلى حبك= هالأرض وامشيها حافي ولو إلك أهديها روحي= لا تظن يحسين كافي ياحسين= لو قضيتُ العمر أبكيك لأفنَى في بكاك ياحسين= لم يساوِ آهة ً مرّت على طهر شفاك