الفراشة التستحي جاع كبري واشتهة جثتي غدة = واللحد واكف خطية الجوع حار ودعت روحي وحجة وياي الندة = العصر نخطب شمس من عمنة النهار مشيّة وعكال الملح فيّة بدة = واستكان المستحة يخوطة الوقار وهلهلت جكليت مأذنة الصدة = وصلت الكهوة وشفايفنة مزار والهوة مصرفن ضوة بكل ساعدة = وفيّ جهنم شيّب بصدرة المرار البرد معزوم والحر شاهدة = متواضع صوغة جايب لزغار الليل الابيض ما نعزبة بوحدة = كون يتمالح وشيوخ السمار الدم شجاع الخوف عند الاوردة = ارملة السكة اذا ما مر قطار الهوسة موكد يللسنكم باردة = هذا يا شط اليربي أبيتة نار؟ الباع حلكة لسانة وين يكعدة = لازم يدورولة فجين اجار من الفراشة التستحي يغار الندة = من الجرادة العاهر يكش الخضار اليعادي الحبر عاكر كاغدة = الصيتة ابتر لا يشتم الانتصار كوثرين اقلام ويقصر المدة = أثمنطعش موكب شمع عمر السفار تلولي للجنة بحروف المائدة = بسورة المدثر اتكعد النهار بالصلاة سكنت يجاورهة الهدى = والقصر علمهه هابوها القصر غار لذكريات الشوك دم بالمفردة= لذكريات الباب اكو بكل نجة نار اي يعنكود الالم من صعدة = للمنصة ابليس ويذيع القرار يا حلم رد للقبيلة الفاكدة = وسولفلهم ظلع وتلطعش ثار