هاج بحرك وانعطف ركن الجرف=ذيّر السفان واليسبح غرﮒ روج يتبع روج للطارف خطف=مد على عناد الجزر غفله انفتﮓ ﭽف على ﭽفك علي اندار وعطف=ﭽف على ﭽفك علي اندار وشبﮓ هذا يوم الرحمه والنعمه انوصف=دﮒ وتد وانشال عالقمه علﮓ علي خط واضح فلا يوم انحرف=علي موج الحﮓ على الباطل لبﮓ علي منهل ﭽذب من كالوا نشف=يارمل غطّه البحر حين الغمﮓ اشلون اجيبك بالوصف عقلي وﮔف=انت تحضر ياعلي تشيل الرهﮓ انه قاري بكل قوانين الصدف=ماشفت مﭽتول شطرين انفشﮓ بس فقار المرتضى المرحب خطف=طﮓ عظم هامه ونزل بي مارفﮓ مانزل قيناص شﮓ حلﮕه او وﮔف=نزل فيت وحتى عظم الﮕاع طﮓ هو ياسيف اليضاهي ذو الفقار=مال كل صارم ركع يمه وسجد انت ليل اعداك لو رادت نهار=ياعبوسٍ قمطريرِ اعله الجحد اقسم برب العرش والانفطار=والكهف والروم وبسورة مسد انت سورة طه ياحامي الجوار=وانت سورة والقلم وانت الرعد كوّنك رب الجلاله أبأقتدار=يا اماماً قال قام او قعد نزّلك رب العلا وبسمك اشار=صرت ياحيدر ولي الرب الصمد درع للكلفات ملزم وافتخار=منهو مثلك بالخلﮓ كفوا احد