يـاجـرح الـطـفوف الـمـا يـلمه اضـماد         ويـــا نـحـر الـيـلمه أضـمـاد ونـضـمده
امــن الابـهر يـسيل ونـزفه حـار وحـاد         وبــجــرف الابــــاء اتــنـومـس ونـــدّه
صـعد ضـوّة الـزوايا الاظـلمت بـالكون         طش نوره وصفت عين الشمس رمده
بـسيوف الـمناية ايـذوب حد كل سيف         والــشــاطـر يــهــج ويــلـبـد بــغـمـده
بـس هـذا الـجرح شايل معاني السيف         يـضـحـك عـالـمـنية وضـحـكـته بـحـده
مـد روحـه نـهر كل ضفه معنى اتشيل         وحـــده ام الــفـرج والـثـانـية الـشـده
يـتـفـايض كــرامـة وعـــزة مـاتـنـظام         وعــيــون الــحـيـاة اتــــروت بــمــدّه
مـاشايف جـرح يـضحك بـوجه الـسيف         وانــطـاه بـكـرم مــن طـلـب مــا رده
شـــال اطــبـاع راعــيـه ابــيّ الـظـيم         مـاهـزه الــوﮔف سـبـعين الــف ضـده
مــن مـثـلة ايـتبرهج مـنه ﮔلـب أعـداه         يـخـطـيـله الــجــدم ذبــاحــه ويـــرده
صـاحـتلة الـرماح وصـاح بـيهه حـسين         اﮔبـــل واﮔبــلـت واتــصـوره ابــوحـده
مـد روحـه وفـه ومـد جفه غطه الكون         خــيّــم عـالـطـفـوف بــعــزم يـتـحـده
يــافـيّ الـيـتـامه ويـــاروي الـعـطشان         يــاسـور الـعـدالـه الـنـحـتمي بــسـده
يـاكـوسـر هــوانـه الـعـلّـم الـمـايـوس         يــتــوزر شــهـامـة وغــيـرتـة بــحــده
يـالعزمك رمـح شـل كـل رماح اعداك         وأتــــعﮔر الــخـيـل الـمـالـهـن عــــده
مـن مـثلك تـرس حـلﮓ المنية ابطال         كـــرم حـتـى بـرضـيعه الـنـايم بـزنـده
مـن مـثلك وﮔف والـموت صـف اويـاه         شــتـل روحـــه درع لايـنـسحﮓ حــده
فـزعت مـن وﮔف نـبض الزلم يحسين         صــدرك نـاحـر الـسـيل وصـرت سـده
تـتـسـابﮓ نــصـد الـعـاديـات اعـلـيك         جــم سـيـف انـفـرك بـظلوعك وحـدّه
شـحالك مـن عطش جبدك يبو الاحرار         وطــفـك شــدة ظـلـت تـتـبع الـشـده
تــلـطّـخ بـالـمـذلـه وشّــيـب الـتـاريـخ         مـن شـال الـنذل راسـك ضـرب خـده