بو الأيّمه كُنيْتي و احسين إسمي=والدي حامي الحمى و الزهره أمي جدّي الهادي النبي خير البريّه هذا آنا يالذي تنشد عليه آنه بِن مكّه او مِنى آنه ابْن زمْزم و الصفه آنه عودي حامي جاره و آنه جدّي المُصطفى آنه فطرس حين اجالي من بعد ذاك الجَفه ألله رجّعله جناحه ابْفضلي او عنّه عِفه و آنه من دون المراقد ألله گبري شرّفه قبّتي فيها الإجابه او تربتي فيها الشفه يا هو مثلي عنده من هاي الكرامه؟=و آنه في صلبي انجعل نسل الإمامه ألله جاعل منّي ذرية نبيّه هذا آنه يالذي تنشد عليه آنه أمَي أمّ أبوها فاطمه خير النسه آنه بالآيه الشريفه خامس أصحاب الكسه آنه جسمي العاري غطّى الدنيا كلها ابْملبسه و أنه روّيت العطاشى من شفاهي اليابسه آنه ذاك الذكره باقي للأبد ما ينّسه و آنه حتّى الأنبيّا تتمنى تحضر مجلسه كل نبي يتمنّى بالمجلس يشارك=لنّه يدري ابْمجلسي الزهره تبارك و ابْحضوره ايْفرّح الزهره الزچيّه هذا آنه يالذي تنشد عليّه آنه من گبل الخليقه إسمي باللوح انكتب طاعتي فرْض او عباده و حُبّي اعليهم وجب ألله ربّاني ابصفاته او خصْني ابْحُسْن الأدب او خصْني ابأعظم سلاله او أطهر او أشرف نسب و آنه تكفيني كرامه البيها من أعلى الرُتب ما تمسّ النار جسْم اللي بچى اعليّه او نحب دمعة اليبچي عليّه بيها طلسم=قطره من ذاك الدمع تطفي جهنّم و الله حط بالدمعه أسراره الخفيّه هذا آنه يالذي تنشد عليّه آنه ذاتي الطاهره الكل الفضايل جامعه آنه باب الأمه و آنه رحمة الله الواسعه قبلة الملهوف گبري و النفوس الفازعه ساجده ابمسجد صلاتي و ابضريحي راكعه و للسما من ترتفع عين اللي لجْلي دامعه تنكشف عنها الحُجُب حدّ السماء السابعه و العيون الباچيه اعليه ابسلامه=تبتشر حين الفزِع يوم القيامه او تسْكن ابجنة عدن للسرمديه هذا آنه يالذي تنشد عليّه آنه سر الله الخَفي اللي عن عباده حاجزه أنه كنزه الباطني اللي بالضماير كانزه أنه فوگ المعرفه او ياهو اللي قدري يحرزه؟ و آنه كل لحظه ابحياتي معجزه في معجزه آنه يومي بالعوالم ربّي خصّه او ميّزه حتى في ساعة مماتي ألله ينصبلي العزا آنه ساعة مقتلي تنعاني الحُور=و الملايك بالحزن تلطم عَلصْدور حتى وسط الجنّه نصبولي العزيّه هذا آنه يالذي تنشد عليّه و ابرغم كل هالفضايل و المراتب و العُلا و ابرغم ما خصْني ربّي من عظيم المنزله آل ابو سفيان جحْدت بيّه و ابْطف كربله حللّت دمّي او أباحت بعدي سبْي العايله حتى طفلي ما سلم من هالمُصايب و البَله فوگ جمْرة چبده صابت نحره نبلة حرمله آنه فد ساعه افگدت أهلي و ناسي=و آنه من بعد الذبح گطعولي راسي او تالي سحگتني الخيول الأعوجيّه هذا آنه يالذي تنشد عليّه