مصايبكم يبو صالح تآذيني=و انا مالي گلب أرويها تدريني خبر عندي و خايف أكشفه او أجرح=إذا ظل يچوي گلبي او لو طلع يفضح بعد إذنك يبو صالح إذا تسمح=ما راغب أسولف عنها و اعفيني چّل الساني عنها و تدري يالمحجوب=ابذكرها اجروح تدّي و الگلوب اتلوب مو أيّوب , إذا امچاني ألف أيّوب=جزع مثلي ابّچاي او نوحي و اونيني لذلك يا بو صالح ملتزم لسْكوت=أشرب دمعتي او أجْرَع مَرار القُوت خايف لو سِمَع سامِع كلامي ايموت=أدري ميْتِحمّل چي يجاريني چنّه المهدي ضاج او دمّعت عينه=او وصّاني اوبوصيه بيني او بينه يناعي "حدّث الشيعه اشجرى اعلينه "=او خلّيها ابدمع و ابْدم تواسيني خبّرهم عن امي فاطمة الزهره=عن حالة ضلعها الطاهر او كسره عنّ الباب , و البسمار , و السطره=و بچّيهم (يناعي الآل) او بچّيني او گِلهم و الدمع فوگ الوجن مذروف=يشيعة حيدر او حيدر علي معروف ترى امن البيت أخذوه العدى مچتوف=و امي ابخلفه تصرخ يالتحاميني أو عرّج بالطفوف او إجذب الحسره=عاللي ظل ثلاثه اموسّد الغبره مذبوح انگطع من الگفا نحره=او گِلهم كربلا اشجارت على احسيني شاركهم يناعي ابهمّي و ابهَمّه=او فصّل عن مصيبة دفن ابو اليمّه امچفّن بالعَجَاج او غُسله من دمه=ريت اترابه گبله چان ايواريني يناعي و لو نِهيت امصيبة ارض الطف=او شفْت اللي يسِمْعَك للدمع كفكف إذكر عنده عَمْتي الركْبَتِ العِجّف=او خل يبچي ابدما عالدمّمت عيني عگب عين الأخوّه البيها تدلل=راح العز او ذاك الماضي اتحوّل اگبال القاصي والداني اوچبَت عالتل=او نادت يا هَلي حرگو صواويني يا عزم الرجال الما يردّه العُوگ=تِغضون النظر عن الحرم ميْلوگ و العدوان اجتني امنوّخه بالنُوگ=نيّتهم لبن مرجانه تهديني ! زينب آنه زينب آنه حُرّتكم=تنامون ابهنا او مو وكته نومتكم أنخّيكم و انا ادري بيها غيرتكم=ما تقبل مع اعداكم تخليني