شعراء أهل البيت عليهم السلام - الزهراء في الأربعين " نصّاري "

عــــدد الأبـيـات
17
عدد المشاهدات
3475
نــوع القصيدة
عامية
مــشــــاركـــة مـــن
تاريخ الإضافة
29/04/2011
وقـــت الإضــافــة
2:40 مساءً

طرّيت ( شگيت) الگبر يبني او تعنّيت=او على ذكرى اربعينك يالولد جيت على ذكرى اربعينك أمّك اتعود=او تجيك الكربله او من ترجع اردود تگرّح عينها او تخْمش بلخدود=او تصيح ابْدالك آنه ميْته يا ريت تشيل اترابك او عالراس تِحْثيه=او نوب اعلى الضلع گامت تخليه بلچى ايطيّب اصوابه او يداويه=او نوب اتْكلمّك يالبيه تِواريت تنادي او تنتحب و اتنوح كترك=تِجيم الماتم او تنعه اعلى گبرك أمّك فاطمه لمّن تحِظرك=تگِلك عالوَعِد يوْليدي ردّيت ردّيت اعلى گبْرك يا شفيّه=او گصدي ابردّتي للغاضريّه انْتلگه زينب الردّت سبيّه=او گُرَب منّك ظعنها إن چان مدْريت آنه اوياك نتْلگه الظعينه=او ناخذ بيد " زينبنا " الحزينه او نِرد كلنا سوى لأرض المدينه=هاذي غايتي يبْني او تمنّيت گوم ابْهمتّك ظعْن الحرم رد=او حِط إيدك على امتوني او تِسنّد خلينا ابْيتاماك انتفگّد=او نسأل عن رقيّه شمعة البيت او نسأل عن عِليلك شلْمِچيده=او نِنزله امن الجمّل و انفكله گيده او نسأل عن خبر سِكنه او حميده=تراني اعلى اليتامى يبْني حنّيت گوم او جِيب طفلك چان تگدر=هاي أم الطفل منها اللبن در او هاي أم جاسم او هاي أم لكْبر=مثلي اعليك ونّن حين ونّيت شمرني دهري تاليها او شمربيك شجاك ابكربله يبني او شمربيك أنشدك بالله و اشسوّى الشمربيك من حط جبْهتك فوق الوطيّه ؟
Testing