هاذي بناتك هايمه دنظرها يحسين=فرّن على وجه الفلا من الصواوين ربّات عز و انت الذي ابعينك تباري=بيهِن علامه امن الحِسِن چَنهن حواري او من بعد عينك ضاعن ابهاي البراري=لاوين تگصد و الوجه من عدها لاوين چَن صارت الحومه السما و ابناتك انجوم=و الشُهُب تمْطر عالخيم بمْراشگ الگوم و الچوچب الدُرّي عليلك حوله ايحوم=نور التشعشع بالأفق من النساوين و زينب ظهرها امن المصيبه اتگوّس او مال=چَانت بدر تالي انحنت چَن حنية اهلال و الليل كله گضّته تجْمع بلطْفال=عاين وضعهن و الخبر لك يتضّح زين وحده اطلعت من الخيم صوب المسنّات=گالت أبويه البارحه ابنار العطش بات اوما أدري ألحگ و ادركه لو والدي مات=وما أدري أسرَع خطوتي لو خطوة البين أما رقيه جالسه بالخيمه و اهناك=لسّاها تنطر ساعة التفرش مُصلاك خذها يبوها الگبرك او واريها وياك=لاتندفن بالشام و العيله بعيدين و هذه اسكينه تشتچي ليك او تحاچي=گالت يبويه سلّبوا حتى التراچي و اعليك منعونا العدا من البواچي=و السوط يوسمني لون بس تدمع العين بس العليله اللي بگت عد دور الاحباب=ظلت حزينه او تنتظر لوْفود الغياب ما خبّرتها زينب او خبّرها الغراب=حين اللي جاها ناعي او مدمي الجناحين او ما أنسى لو أنسى عنِ الظحّت بالاولاد=حين الضجيج امن المدينه اتعاله او زاد ابيا حال من عاد الظعن و احسين ما عاد=الله وشمعظم مصابچ يم البنين