جـعـفر الـصـادق مـن نـظر حـرگوها لـلدار         سـالـت دمِـعْـته او مُـهْجته سـرْحت بـلفكار

تــحچي الـروايـه عــن خـبر مـا مـنه أفـجع         عـن حـادثة حـرْگ او لـهَب بـالمُهجه تـلسع
مـــا بــيـن مــوْلانـه يـصـلّـي لــنّـه يـسـمع         صــايـح يـصـيح الـنـار شـبّـت يـبـن لـطـهار

حـيـن الـلـي تـمّـم فـرضـه والـناره طـفاها         نـــاح او تـحـسّر و احـتـرگ گلـبـه ابـلـظاها
او شـفـنـه الإمـــام اتـكـتّر اوعـيـنه جـراهـا         او روحــه الـشريفه هـامت ابْـعالم الأكْـدار

و اصـحـابـه جـولـه رادو ايـعـظموله أجــره         گالـولـه مـاهـو اجـديـد إذا الـطـاغي تـجـرّه
حـرْگوهـا گبــل الـسـاعه دار امّـك الـزهره         إصـبـر يـبـو الـكـاظم مـثـل جــدّك الـكـرار

گال ادري گبـلـي عـالـوديعه حــرْگوْ الـبـاب         وادري مـصاب الزهره أعظم من هلمصاب
لاچن بگى مـنظر أبـد عـن عـيني مـا غـاب         مـيْـصير أبــد بـعده ولا گبـله جـرى او صـار

لـمّـن لـهَـيب الـنـار شــبّ بـمْشاهد الـعين         من حجره لي حجره شفت تجري النساوين
ذكّـرنـي هـالـحال ابْـفَـرَار اطـفال لـحْسين         لــمّـن خـيـامه اتـوجّـرت واشـتـعلت الـنـار

كــل مــا أشـوفـن نــار تـرجـعلي هـالايـام         وانـظـر اگبـالـي اتـراكضت بـالدهشه لـيْتام
لــمّــن عـلـيـها اتْــوَجّـرَت بـالـنّـار لـخْـيـام         والـعـسكر الـتـف عـالـحرم مـن كـل لـكتار

وحـيـن الـرجـاله بـن سـعد حـشمّهم ابـزود         يـرْجـالي گومــو لـلـخيام الـسـاعه فـرهـود
و عـمّـاتي ظـلـت حـايره فـي وجـه الـجنود         بـالـيمنه تــشگف سـوط او تـتستّر بـليسار

و أنــه حـريمي احـتارت ابـرغم اهْـيه ويّـاي         واشـما يـصير امـن الـهضم يـبگون بـحْماي
چا شـنهو حـال الـلي اطـلعوْ للحومه حُفّاي         وحـامـيهم ابـكـثر الـمرض مـن عـلتّه انـهار