إنته ليش أتثور من أصرخ أمير ..؟ = هاي صوتي وهاي صرخات الضمير .! حﮕي من أفرح وأصيحن يا علي = وفي الحزن أنخى بحيدر ياقرير هاي حيدر ألبشر ما نصبوه = وله أنه ابكيفي سويت المصير أمر هذا من إله الكائنات = حيدر انته حجتي وأنته الأمير بعد ما أعطه الأمر طه الامين = صار حيدر مولى في عيد الغدير وأنه برويلك قصص ماضي الدهور = وانته أسمع زين مني ولاتدير هم شفت حاكم يضحي للسّلام ..!؟ = هم شفت حاكم زاده من شعير..!؟ هم شفت حاكم ﮔبل هاي العصور = بات صايم حتى يطعمله فقير .! والله حﮕي من أنادي ياعلي = ماكو مثله، صار يمنى للبشير والله ماعدكم أحد أعلى المقام = وهاي أنتو امنصبينه الأخير ليش ساكت ما ترد ليّه الجواب ..؟ = أنه شيعي يعني من حيدر أصير بس بجاوب أنه وأنطيك الجواب = لأن رافض كل عدو عليّه حقير صرت كافر لاني واليت الأمام= وما لبست الثوب مالك القصير هاك اسمع صوتي يا أكبر حقود = لو تفجر جسمي والله لو اطير أنه روحي مسجله بأسم الأمام = وهاي فتوه من حبيبك يا أمير