خدمتك يحسين عنوان الشرف=وليخدمك حتماً الله مشَرِّفه وخدمتك عندي فرض مثل الصلاه=يعني موش احساب بنك العاطقه خادمك واتشرف وأقسم يمين=لو ما إنته الدين محَّد يعرفه شرفتني بخدمتك يبن البتول=ومنبرك يحسين جنَّه وارفه ماكتبت آنه الشعر إلا بدماك=يعني ما أخلص كتابه بهالصفه ورفعت شان ليخدمك ياحسين=لأن شانك فوگ حد المعرفه إنته يالما مثلك بكل الزمان=ويازمان يجيب وصفك يوصفه خادمك يحسين وهالليله اصيح=خدمتك تاج عله راسي بكل وفه لو يگلولي شجنيت من الحسين=گلت خادم منبره وهذا كفه گلت من عنده أخذت المكرمات=هذا واقع صادق وعن معرفه گلت شرفني الحسين بهالوجود=بخدمته راية وجودي مرفرفه وصِرِتْ اغنى الناس من جاه الحسين=هاك إقرا شگال جده المصطفه حسين مني وآنه من إبني الحسين=روحي وروحه بقدس متوالفه زيارته سبعين حجه معادلات=وتربة احسين انكتب بيها الشفه جاذب لظن الغنى مال وقصور=أو حياة ابكل صورها مُترفه الغنى عد منبر حسين العظيم=إخدمه ومن منبره الخير اغرفه دام إلي حيز وجود بها لوجود=عقلي كون ابكل أمانه أنصفه آنه لو ما أخدم المنبر أموت=وذچري لو ماخدمة حسين انطفه هذا إسمي خادم حسين الشهيد=وخادم لخدامه يامحله الصفه