أنا و الشعر ... للحسين علمني الشعر من اذكر العشاگ = ارسم لوحة ما بيها دمع وجروح لان چلمة عشگ تحمل معاني هواي =أول معنى بيها العشگ يعني الروح وعلمت الشعر من ينكتب للناس = شامخ بس يذل من اذكر المذبوح ويسجد من يردد صوتي بسم حسين = ويستحضر أسراره ويبدي بيها يبوح وانه وياه مناور بالحزن والآه = وتسابك للذبيح المدمع المسفوح من اذكر اسم حسين شي وكف بچاي=من هاي اكف دموع يهمل دمع هاي لان محنة مصاب العاشر بعاشور = گلوب تذوب إلها وبالحنين تنوح يوم تناخت الخيل اعله صدر حسين = بحوافرها تهشمه وجسمه ضل مطروح وما بين المراهف جثته ونحره = على العسال ما بين الجموع يلوح بالدم نحجب مطلع جبين حسين = لچن بالدم بنى لأهل ألكرامه صروح ورفع صرحه الإله وصار اله بكل يوم = أملاك العرش تغتدي عليه وتروح