مـا أسـكت ولـتظن جـفن عـندي يـنام         عـلـى روحـك جـنيت وهـيجت عـاشور
يـبـو تــاج الـتنك عـالزلم مـا مـحسوب         الـبـدبابة يـهـجم عـلـى عـش عـصفور
الظهر جبت الحرامي وكتلة طب للبيت         كـتـافـئة الـحـرامـي بـرتـبـة الـنـاطـور
بــنـاتـك ومــهـاتـك سـاكـنـات الـبـيـت         يـسـمو الـمـلك مــا اكـشـف الـمستور
يـسـمو الـمـلك شـلـك بـحـرف الــواو         صـرت سم الملك وعلى الشعب منثور
أعـاين عـالخريطة الـدم مـلة الـبحرين         مـــو بـحـريـن صــارت لـلـدماء بـحـور
نـسوان بـعبيهن هـجمن عـلى الـجيش         ومـن صـرخة الـرضع يـسكت الشاجور
يــعــكـال الــنـفـط آن الاوان اطــيــح         الــى مـزبلة حـسني الان اجـاك الـدور
لـزيـن الـهـاربين ارحـل يـملك الـشوم         شـكد دست الجرح من حقة هسة يثور
تـتـريك ضـحـاية وتـمـسي رحـة مـوت         عـلـى عـزرائيل شـعبك نـظموا طـابور
نـحـشـم يــا ألاهــي بـغـيرة الـسـجيل         دم الـشـعب الاعـزل مـو نـفخ بـالصور
ردت كـربـلـة والـشـمـر ابـــن سـعـود         والـسرفة سـهم والـشعب كـلة انـحور
نـريـد حـسـين يـأمـر نـكـلب الـبـحرين         بــــس يــأشـرنـة بـخـنـصرة الـمـبـتور
نــجـي ومـحـزمـين بـغـيـرة الـعـبـاس         والـعـبـاس مـتـظـل بـالـخـليج قـصـور
وأسـتـثني الـكـويت الـمـا صـبح قـابيل         الـعـلى نـهـر الـضحايا مـا صـبح نـاعور
ويـبـو درع الـورق درع الـجزيرة انـوب         عـلى اسـرائيل جـا هـذا الدرع محظور
لـيش لـيا سـبب تهجم على البحرين ؟         هــاي مـنـينلك هـالفتوة مـن عـرعور؟
الـبـحرين اصـيـلة الـشـرف بـالـبحرين         شـيعية ومـن الـطف مـاخذة الـدستور
لا مـتصير ظـلمة الـشمس عدهه اتنام         بــدم اولادهــه الـبـحرين تـبـقى تـنـور
ويـظـل حـسـين سـور لـثورة الـبحرين         فـنـة يـزيـد يـكـدر يـصـل حــد الـسور