((((باب البيت))))) باب البيت يعرف من يجيه الضيف=ويفك طوله فرح لليكصد البيته! وامك من اجت عالكعبه دكت باب=باب الله انفتح واستقبلك صيته واسال ياسؤال عليك وادري البيك=السؤال براسي بعده وانت حليته! (المحتاج)اليجيك ترجعه(مامحتاج)=(وعلي)لوماكو(محبس)جفك اطيته؟! وعلي فاضت رحمتك موفقط عالناس=رحيم عللهوه البحشاك شميته تمر عللشجرحسيت بيه عطشان؟؟=رحت من دمع عينك(ماي)رويته! جبل شخص( النبي)بيه قمة ماتنلاح=انحنه الكصرك علي(وبحب)تشلبيته! على(متونه)صعدت شايل امانه وياك=لحت راس الصنم للكاع هديته!!!!! (نوح)انتخه(بجفك)من اجه الطوفان=وفرق ذيج السنين ايذوب خليتة… (مديته)سفينه وصعد(نوح)عليه..=وعلى شاطى الامان الدين رسيته؟ (بجف)الدنيه صعدت.,ادري جا شيشيل؟=اذاجفك الثاني بيوم مديتة؟؟؟!!!! واسولف ياشجاعة البيك وادري البيك=(البحر) لو حاربك( نصين)سويتة! صفن وجه الحرب!لمن(ابن ود)صاح=(وذبل)طول السيوف العرفت بنيته حسب روحه(جبل)من شاف(كصرالبيك)=وعلى ذاك(الكصر)بس(قصة)خليتة!! (تلكيته)و(محمد)عينه بس عليك….=و(زلزلت)الارض لمن تلكيتة!!!!! وتدري الحاربك(يلعب)براسه(ابليس)؟؟=لذلك من اجة (بلاراس)رديتة!! وهسه نريدمثلك موحجي بلسان….=(الشعب)وفه ونريداليوفي تضحيته نريدالبيه(حميه)ويحفظ النة البيت,=ويلم حد(الوطن)ويصون جنسيتة؟ ((العلم))مومشكلة,ولامشكلة الالوان؟=حط شماتحط,بس علي ساريته!!! واثق العيساوي