لاتــامـن ظــهـرك بـشـحـة امـــان         وخـلي عين اللي تحذرك من وراك
مـن يـجيك الـخنجر بوجهك شريف         بـس نـذل جف اليطعنك من كفاك
دروس عـلمنة الـزمان واحـنة كون         نـميز الـشيطان مـن وجـه الـملاك
ويــارسـول الله مـحـمد هـالـزمان         راد اســمـك يــوكـع ابـيـر الـهـلاك
وانـي اشـوفك سـمة ومـليانة ابـاء         اتـطيح كـلهه وانـت مـاتوكع سماك
وفـوك وجـهك اقـرة ايـات الـخلود         وبـاذن كـل الـشوارع ضـل صـداك
انـت مـاتقرة نـعم بـس من قريت         صــرت ايــة نــور والاعـمـة قـراك
جـنت تـوكف حـتى كـلهه تـلوذ بيك         وجـوة ضـلك كـعدت الدنية بحماك
وامــن الـخـايف لان ضـلـك امـيـن         ثـاري مـو ضـلك طـلع حيدر وراك!
ولان ايـــام الـيـتـم مـــرت عـلـيك         وجــان يـعـلم ربــك وبـيـهه ابـتلاك
مــن يـمـر الـعـيد يــم بـاب الـيتيم         تـصـير عـيـدية صـبـح وتـكـلة هـاك
وانــت جـبـرئيل لـمـن مــر عـلـيك         وبـوسط غـار الـعبادة مـن اعـتناك
كــالــك(اقــرا)سـلام ك لــــلالـــه         يـامـحمد ربــك اوحــة واصـطـفاك
والـحـقيقة بـالـعبادة انــت اعـتليت         وبالحقبقة انت الرحت مو هو اجاك
هــو اجـاك بـيوم حـاطوك الـطغاة         بـيوم راد السيف يشرب من دماك
وكــف يـم الـغار مـد جـنحانة لـيك         ســوة جـنـحانة درع بـيـهن فــداك
جـنـاح بـيه سـوة نـسيج الـعنكبوت         وحـول الـثاني حـمامة وبـيه حماك