جفك رسالة بوحدة=ملحمة ياعباس
ولسة اشريعة شاهدة=ملحمة ياعباس
ياسيد الصوبين =راية انت بيد حسين
يتنفسك صدر الفضى يالاشرقت نور
من كربلة لهذا الوكت للغانمة سور
من اكتب اسمك عالورق يتحول زهور
ومن انطق اسمك سيدي جن نفخت الصور
اسمك لواء الدين=راية انت بيد حسين
يومية من جفك شمس تطلع على الناس
وغلطان بينك والشمس لو خلي مقياس
صح انت مولاي كمر واضوي نوماس
لكن انه سمعت الشمس تحلف بعباس
يالحوبتك نهرين=راية انت بيد حسين
وبحضرتك يحلى الشعر وي المواويل
انت حقيقة بوحدك والكل اقاويل
شارتك على الحاقد صفت طيورابابيل
وعالحاربك جفك مطر بجيوشة سجيل
مثلك محال اثنين=راية انت بيد حسين
عــــدد الأبـيـات
6
عدد المشاهدات
2590
تاريخ الإضافة
02/02/2011
وقـــت الإضــافــة
10:09 مساءً