النجمه ثقه راح احجي بزمن متجاهله التقويم=زمن جان اللسان بنبرته بركان كبل لا ينترس راس الكمر بالشيب=والنجمه ثقه ما عدهه الف لسان من جان البخت والستر هم الناس=من جان الانسان بلا فلوس انسان رجل جان اسمه حمزه تحبه كل الناس=موعم النبي عم للمنابر جان من يحجي الحمام يصير اله جمهور=من يسكت سكته اتخوف السجان وموبجذوع ساكف حمزة بيته ظلوع=زفوله القصيده وانجب الالحان ما وازة الورد من رادو يشتلوة=طلع عدنه ورد بس حمزة ظل بستان على خد القصايد ما سحك فديوم=على خشم الرذيله اتشوف اله نيشان حمزه كتاب وعليه ختم جف عباس=خذوا من دمع زينب حبر للعنوان كتاب وما كدر يدناله جف الخوف=يدري الخوف ما يشكك الاذان حشاه ما صلى صوته بغير فرض حسين=ولا دنس ثيابه بخيط من سلطان ولاعنده انتماء لغير حزب حسين=جبل حمزه رفض جنسية الدخان ولا حنجرته نهبت عفة الاطوار=ولا كتر لسانه بمشجب الشيطان يتصدق عذوبه بشحة التغريد=مساحة صوته صارت للسلم ميدان كرامه بصوته موبس البشر سمعوه=من يقرة الاعد تطلع من الحيطان