عــــدد الأبـيـات
25
عدد المشاهدات
3112
تاريخ الإضافة
31/01/2011
وقـــت الإضــافــة
11:40 مساءً
عندما استعارة بعض الاقلام وجوة الحوافر جاءت الشامة العفيفة
صـدر حـسين بـابه الـماتقفله الـريح جــاي اتـريـد اكـتـبه بـورقه مـقفوله
بـجـيش الافـتـرا حـلـكك بـرتـبة زور بـمـعـركة الـحـجـي يـانـصر الـتـنوله
الـحلك الـمفتري بي نلكه نص لسان وتحت سن الصدك كل حجي اليكوله
طـعن سـتر الـجمال وحـلف بالقرآن عـلى الـشامه الـعفيفه يكول فالوله
ثـلـثين الالــم عـالـجرح يـطـلع كـون لان بـيـن الـجـرح والالـم جـم خـوله
مـالوم الحجي وباللسن ادري الصوج الـراعي الـبي ذنـب مـالوم مـاصوله
طعم السمع ماصخ ادري من اسنين الـمـلح الـبـلقصايد ذمـتـه مـشـكوله
لأهل بيت الشعر ما بقت حرمة بيت اثـاث الـبيت صـورة وصـفت منقوله
الـشـاعر كــون يـهتم بـحلات الـبيت كــبـل بـيـته الـحـلو لـيـحظر الـلـوله
صــح لـوحات اكـو وشـكثر رسـامين رســمـوا لــكـن بــألـوان مـشـلـوله
فـقر دم الـشعر يـبس حروف البيت بـمكان الـورد زرعوا كل حرف جوله
وانا ساتر دفو جي اكتب اعله حسين جـيـوش الـبرد يـمي اطـيح مـذهوله
انـا طـولي الـهوى ولهذا زحمه وياي اوكف ضد شخص جرت نفس طوله
شـكل لـلشعر بـاجر كون ندي اتصير انــا هـوسـة عـراضـه وانـت هـلهوله
مــا تـعطش ورقـتي يـا امـير الـماي وحـشه لـمحبرة امـيه اتصير مذلوله
الكتب لحسين امام الورد كون يصير امــام الــورد كـفره اتـقوده عـاكوله
حـسين يـريد نـرسم كربله بكل بيت وعـلى طول القصيده انحور مشتوله
ومــا نــوأد قـصيده خـشية الـجمهور وشـيطان الاعـد منصدك اللي يكوله
ابــو كـعد الـرعيع يـظل عـبد لـلموج وبـلـسان الـعبد نـدري الـنعم سـوله
انـظـر كـربـله مـورمل بـحر سـيوف بـلائه حـسين ذلهه وصارت اسطوله
حـسين يـريدنه نخسر سباق الخوف ولا نــنـزل لـــوادي الـمـرتبه الاولــه
واذا خـيول الـنقد داسـن بـصر البيت الـضد صـدر الحسين اشفادت خيوله
بصلب نحرالقصيده كون بس ثورات نـحـر ثــورات يـنـجب مــا يـكـدروله
حـسـين يـريد مـنصفك مـثل عـباس بــمـرادم الــروس اعــدا يـصـفكوله