رقــيـه ام الـحـزن بـعـدك يـسـموني         يــابـويـه الــدمـع مـايـرحـم عـيـونـي


يـابـويـه بـغـيابك جــم كـلـب مـحـتار         يـانـار الاسـولـف كـلـي عــن يــا نـار
بـويـه الـكـيد يـوجع والـجفوف ازغـار         وعـيـون الـحـرم يــم روسـكم تـندار


خـذوني وي الـضعن والـدمعه تبرالي         وكلب حتى الصخر ضل ينحب الحالي
حـرم واطـفال بـويه تـضل بـلا والـي         وراســـك عـالـرمـح يـتـمايل كـبـالي


شـحـجيلك يـبويه عـن عـذاب الـشام         تـتـشمت الـنـاس وتـضـحك الـظـلاّم
ودونــه الـخـرابه بــس حــرم وايـتام         شـلـون عـيون بـنتك يـاحسين تـنام؟


يـتـيـمـه والــيـتـم يــاوالــدي كــتّـال         مـهـضومه تـظـل بــلا ابــو الاطـفـال
يـاحال الاشـرحه وحـال امر من حال         ولاكـلـمه حــزن مــن فـركتك تـنكال


غـفيت وشفتك بطيف الحزن يحسين         تـمسح راسـي بـيدك والـدمع بـالعين
كـتلك بـويه اريدك وين اشوفك وين؟         فــزيـت ويـنـوحـي سـمّـع الـصـوبين


يـسـمعوني انـوح,وطـفله مــن تـنوح         كلب الصخر ضل على البجي مجروح
ويـن يـروح؟رادك كـلبي ويـن يروح؟         ودولــي بـطشت راسـك يـهالمذبوح!