رقيه ام الحزن بعدك يسموني=يابويه الدمع مايرحم عيوني يابويه بغيابك جم كلب محتار=يانار الاسولف كلي عن يا نار بويه الكيد يوجع والجفوف ازغار=وعيون الحرم يم روسكم تندار وانه بلا ذنب بسياط ضربوني خذوني وي الضعن والدمعه تبرالي=وكلب حتى الصخر ضل ينحب الحالي حرم واطفال بويه تضل بلا والي=وراسك عالرمح يتمايل كبالي عزيزة وبعد عينك تدري هضموني شحجيلك يبويه عن عذاب الشام=تتشمت الناس وتضحك الظلاّم ودونه الخرابه بس حرم وايتام=شلون عيون بنتك ياحسين تنام؟ وعطشانه الضحكتك ضلت عيوني يتيمه واليتم ياوالدي كتّال=مهضومه تظل بلا ابو الاطفال ياحال الاشرحه وحال امر من حال=ولاكلمه حزن من فركتك تنكال نمت من التعب والدمع بعيوني غفيت وشفتك بطيف الحزن يحسين=تمسح راسي بيدك والدمع بالعين كتلك بويه اريدك وين اشوفك وين؟=فزيت وينوحي سمّع الصوبين نحت ياوالدي وعداك سمعوني يسمعوني انوح,وطفله من تنوح=كلب الصخر ضل على البجي مجروح وين يروح؟رادك كلبي وين يروح؟=ودولي بطشت راسك يهالمذبوح! وبسيف الحزن من شفته ذبحوني! واثق العيساوي