خضت حرب الاسر وحدي=حميت الدين بمتوني ومثل ما قيدوني اعداك=دمعتي مقيدة عيوني انا بركب اربعينك جيت=لنحرك ابجي يم بابة واذا سيفك شهيد وياك=احشم غيرة كرابة مثل حال الغزالة بليل=بقيت بين الذيابة ومو سوط الضرب متني=السياط بكثرة الغابة بقساوة حافر الداسك=على كلبي داست ضنوني ومثل ما قيدوني اعداك=دمعتي مقيدة عيوني نحرك ما نزف بس دم=تنزف سمة من نحرك وخفت على الشمس تنداس=الشمس ضميتها بصدرك ومن سولف لسان النار=بخيامي انتفض صبرك خذت خنصرك سويته=عمود لخيمتي ونصرك لجن ياوسفة سهم الاه=اخذ جبدتك وجفوني ومثل ما قيدوني اعداك=دمعتي مقيدة عيوني طر فجر السبي الاظلم=علينة الفجر شال سلاح علينة الغيم شايل سوط=ومن يمطر يزخ اجراح وانت جي أبي يحسين=جرحك ما ردت يلاح لاجل فرض النصر صليت=والسجادة روس رماح حشاك وما كلت لعداك=يهل وادم دعينوني ومثل ما قيدوني اعداك=دمعتي مقيدة عيوني صح رحنة بأسر يحسين=وركبنة بهودج الالام ثار لنصرتك يحسين=هجمت وياي جيش ايتام سرية من الورد طاحت=رقية وهزمت الظلام وعلى خدري اكتبت عباس=والقيت القبض عالشام من يثنيني عن نصرك=هلي لنصرتك نذروني ومثل ما قيدوني اعداك=دمعتي مقيدة عيوني