وما ادراك ما العباس؟ على طور التخاذل عيب يطرب ثار=ويلزم حدة عيب المنسلب حدة سرك ما يفضحك لو بقى مضموم=اليفضحك السيف الضامة بغمدة علمنة عليهه بكربلة العباس=فخر هاي القضاية اتجسدت عندة حشا ما شهر روحة شهر بيدة السيف=ومواقف للستر سولفها دم زندة شهر سيفة ولان قبضتة بنيت بيت=هد جفة وسترهه ما رضة يهدة العباس وما ادراك ما العباس؟=تعب مهر الوصف بس ما وصل حدة ملامح انبياء بكصة العباس=وفصيلة ماي كصتة الغيرة تتندة طولة خلكة اطول من حزن عاشور=ارتفاع المجد ما يوصل شبر مجدة على اصابعهه الشمس توكف بكل مصباح=مو للكبة ما وصلت طرف لحدة جوة بظلة الشمس من برز ذاك اليوم=وحرك وجه السموم الباوسة بخدة خطى بالمعركة كل خطوة عزرائيل=تطخ رجلة الارض ثابتهم تهدة وخل يعلم اليكتب بالرجال انواع=اكو الفارغ وكلمة رجل تنتقدة وعالعباس اذا نكتب رجل مفروض=على كل حرف كون انحط الف شدة علمنة بثباتة بوكفة وية حسين=الفرق بين المرة والرجل بس شردة على درب المجد علمنة مو بالكاع=سلم تضحية مو ياهو اليصعدة ولتظن الكرم وي كل شخص مطلوب=اكو خطار واجب عنك اطردة ابخل على الخوف بوجهه سد الباب=لان دين الكرامة واجب اتسدة وعلمنة الاصابع موفرق بالطول=وشفناهه فرق مو بأيدنة الوحدة اكو اصبع للحسين انبتر شيَد دين=واكو اصبع دينمات العالم يهدة