أنتي دمعه وجانت أبعين السماء = يارقيه ومن نزلتي أبكربلاء وللحشر ما تنكطع = دمعتج صارت نبع يارقيه يارقيه أنتي دمعه أتصورت قبل الوجود=ومن جفن أدم جرت فوك الخدود أرسمتي وحده احسين مابين الحشود =وعالنهرعباس مكطوع الزنود واكفه زينب رسمتي أبلا خباء=ويمهى تبجي أطفال مذعوره ونساء لأن عشتي هالوضع =دمعتج صارت نبع يارقيه يارقيه انتي دمعه ابكل جفن مؤمن غيور=أتفجرت أنهار مابين القبور وللقيامه دمعتج تبقى تفور =تنزل أعله احسين كل ليله تزور اتريد تسكي الطاح مسلوب الرداء=وهم تغسله اتريد من فيض الدماء لكل شهكه بالدمع =دمعتج صارت نبع يارقيه يارقيه اعليج حتى الدمع ظل يجري دمع = وصار طوفان وبعد ما ينكطع وبي سفينة نوح ظلت ترتفع = وصلت الكربله اتريد المنصرع ونتقلتي من عيون الأنبياء=وصرتي عنوان المأسي والبكاء تروي عن المنصرع =دمعتج صارت نبع يارقيه يارقيه ويه الحسين أنذبحتي أبمصرعه=ويه دم نحره أنمزجتي ومدمعه دمعتج ماتقبل اهيه اتودعه =وعشتي مابين الخيم والمشرعه و دمعتج يم الخيم رسمت طفل=ضامي يشرب من دموعه التنهمل وعالنحر واعله الضلع =دمعتج صارت نبع يارقيه يارقيه عالمنابر وحنه نبجي أعله الذبيح =أنشوفج أمن اعيونه دمعه وتطيح وصوت نسمع يجي من عند الضريح =انه ابوج احسين بالعبره يصيح ابكد دموعج سالت ادموعي عليج=يارقيه نامي بالطيف انه اجيج ادري كلبج منفجع =دمعتج صارت نبع يارقيه يارقيه أذن حكنه أشما نذكرج يارقيه =انعيش أحنه وياج يوم الغاضريه انشوفج امن الخوف دمعاتج جريه =ولازمه بجفوف زينب وسبيه وين ابوي احسين صوتج يرتفع=وزينب اتصبرج ويسيل الدمع أشما نذكرج ننصدع = دمعتج صارت نبع يارقيه يارقيه