اكول اسمك تفيض=بصدري عبراتي (حسين) وصورتك=تجري وي دمعاتي اشوفك ياحزن=عايش وسط ذاتي ملاذ وتنتهي يمك جراحاتي بحزن يرسم طفوفك=لوحه اوجاعي اببحر دمعي اعتنيك=وحسرتي شراعي صليل اسيوف حزنك=يذبح اسماعي وخيول الهم تدوس=بذكرك اضلاعي خذت من هم محرم=حزني واطباعي واقصدك من تشب=في حزني جمراتي ملاذ وتنتهي يمك جراحاتي صمت عن الفرح=لمن يهل نوحي وعزاء الجرحك=اتضل تنزف جروحي الك راية حزن=رفت على اسطوحي وحوافر خيل حزنك=صالت بسوحي يمن مالك نبض=قلبي وحزن روحي عمر يمشي و=كضيت بحزنك اوقاتي ملاذ وتنتهي يمك جراحاتي بمهر دمعي اسافر=لك بلايه حدود اشوفك عالترب=نايم حزن ممدود الملائك تنزل=تصلي الك وتعود وتغطي جسمك=الطاهر دمع وورود الا يا من مصابك=بي جنت موعود جنت صابر رغم=ماتعلم الآتي ملاذ وتنتهي يمك جراحاتي ادورك ياعشك=ضامي العذب ملكاك شراعي المبحر=بدمعي يروح وياك لساني المايمل=ذكرك ولا ينساك يسولفلك عشك=روحي ويصيح اهواك وضلام اللي سكن=روحي يحن لضواك وحروف اسمك=تصير ابشوكي آياتي ملاذ وتنتهي يمك جراحاتي نهر تروي الوجود=بثغرك الضامي وتنسيني بمصابك=جمرة آلامي خيالك صرت اشوفه=بصحوي واحلامي جسد متغطي=بجراحه ونحر دامي حزن ماضن=يفارك حزنك ايامي نجم مافاركت=ضلمة سماواتي ملاذ وتنتهي يمك جراحاتي عهد اسمك يبو=الاكبر فلا ننساه دماء تسيل من=اجله ونضل نهواه على رمح المجد=راسك عجب شفناه يسير وبالسماء=نجوم تمشي وياه عجيبه شلون ضامي=ونرتوي من ضماه وتوديني على=حبك جمرة آهاتي ملاذ وتنتهي يمك جراحاتي