انا امك واطفي بدموعي=ظماك وجرحك و نارك أجيلك لو على اضلوعي=واسافر ويَّ زوَّارك انا امَّك فاطمه الزهرا=لفيت بحمره في عيني نسيت بذكرك اللطمه=ونسيت بلحظه ضلعيني أزورك يبني وبگلبي=عهد ما بينك وبيني لأنك ما نسيت امك=وگلت انتي ل َ تنسيني في كل لحظه أشوفك=ما أعوفك .. يا حسين تظل دوم اعلى بالي=والله غالي .. يا حسين لزورك في حياتي=وفي مماتي .. يا حسين انا بصدري احتويتك=ما نسيتك .. يا حسين أطفي بصحنك اشموعي=إذا غمرتني أنوارك أجيلك لو على اضلوعي=واسافر ويَّ زوَّارك أشوف احبابك التمشي=لگبرك والله ما أگدر أظل بگبري من شوگي=واجيلك يا أبو الأكبر مشيت اوياهم ودمعي=يرويِّهم إلى المحشر ولادري امن الشمس لو=من حنيني كربله تسعر سلام الله اعلى نحرك=واعلى صدرك .. يا حسين سلام الله اعلى گبرك=واعلى صبرك .. يا حسين أطوف اعليك وگلبي=يحج ويلبي .. يا حسين أُو بين اجروحك اسعى=بدمعه دمعه .. يا حسين أُو لو هذا الزمن طوعي=رشحته بزمزم اغبارك أجيلك لو على اضلوعي=واسافر ويَّ زوَّارك تمر الأربعين اللي=تخليني أوِن وانحب واشوف امصابك بعيني=جسد فوگ الثرى امترَّب واذا زرتك كثر حزني=ولگيت ادموعي تتسرَّب واقول اللي يزور احسين=ايزور اعلى الأثر زينب صفت بين الأعادي=بس تنادي .. يا حسين إذا تسمع نحيبي=يا حبيبي .. يا حسين العدى حرگت خيمنا=وانهضمنا .. يا حسين من اللي يحن عليَّه=منهو ليَّه .. يا حسين مثلها لهفتي و روعي=أدوَّر آخر آثارك أجيلك لو على اضلوعي=واسافر ويَّ زوَّارك