الختم العلوي إلزم بجنب الصدق=وإياك عن نهجه تحيد هذا اليريده المرتضى=وهذا العمد بالتوحيد الصدق كعبة كلامي=وبغيره أبدا ما سعيت الخير في قول الحقيقه=ولو على نفسك جنيت هذا وارد عن نبينا=ومو گذب جيت إدعيت الگذب درب الشقاوه=و الصدق درب السعيد الصدق من لبس ثوبه=لبس اثياب النظيفه صار وجهه صبح أبيض=و انشهر ذمه شريفه وعندي خاطر في كلامي=و القصد نكته لطيفه من صدق عقده وي حيدر=بان تِبرا من الحديد الشيعي مولود بولائه=حب علي ختم بجبينه ولدته أمه بمركب=حيدره يقود السفينه لا تغر نفسك وتنزل=وترضى بالعيشه المهينه من يموت بحب ولينا=يصير عند الله شهيد الولاية نهج سالك=آخره جنه ونعيم والي يسلك درب ثاني=يقوده دربه للجحيم ومن يعادي نهج حيدر=ينعرف اصله لئيم إبعلي طهر الولاده=تنعرف حق كل وليد لم أنزل الله آيه=وقال بلغ يا رسولي عصمتك مأخوذه مني=وكل أمر تفعله بقولي بلغ الناس بولايه=حيدره فحل الفحولي وقول تمت هالرساله=من لدن رب حميد حين خلص حج نبينا=وساروا الناس بمسيره فجأه وقفت هالمواكب=و الشمس عز الظهيره حر وقفره وعطش زايد=ليش هالوقفه الخطيره وصارت الناس اتعجب=و الهرج بدا يزيد قال طه للصحابه=سو لي منبر بسرعه ونادو حيدر يا جماعه=ناصر الباري و شرعه واحفظوا عني كلامي=وكل فرد يعطيني سمعه الله اعاطني الولايه=و الله يفعل ما يريد صاح فيهم من وليكم=قالوا انت بصوت واحد أخذ حيدر من يمينه=و الخلق كلها تشاهد فيهم العاشق لحيدر=وفيهم الباغض الجاحد واعتلو لثنين منبر=وسط حرة هالصعيد وصارو الشمسين يضوو=وغيبو شمس النهار جنة الفردوس طه=والوصي دار القرار ولما صارت إيده بيده=و ارتفع ذاك الشعار فاز من والا الولاية=وخاب كل منهو عنيد وفي حشد لم الصحابه=صاح طه بصوت عالي الوصي من بعدي حيدر=كل فرد لازم يوالي ولي يبغض قلبه حيدر=ويشهر السيف و يعادي يبغضه الله و ينبذه=ومن رحمة يظل طريد وابتدت قصه جديده=فرقت بين الصفوف گيف يحكم فينا حيدر=وعنده لينا ثار الوف هذا عمه هذا خاله=هذا بالدنيا يطوف من يريد الدنيا هذي=حكم حيدر ما يريد وبزمنا الحال نفسه=الفكر ساحة قتال القلم و الحرف فيها=سيف وحربه للنزال هذا واقع يا حبيبي=قول جدي مو هزال الحبر فيها الدخيره=راحت أيام الحديد اف هالزمن الگذب زايد=زوج الصاحي مريض ملتزم يسمع أغاني=و الفكر دنيا وحضيض شاعر ويعشق محمد=وما كتب عنه قريض خايف ايئدلج أشعاره=وللغرب صاير عضيد خايف ايئدلج اشعاره=وهذي تهمه اشقد كبيره يمدح الشاعر فلاني=ويتهم دعبل و غيره حتى صار الحلي" مثلي"=هذا من جهل البصيره يخدم بحبره الاعادي=وعن طريق الحق بعيد هالزمن قالو حداثة=وما اكتفو قالو بعدها نشرو التغريب فينا=ودسو السم اف شهدها ورفعوا الحرية راية=ينخدع كل من نشدها وصارت الناس الهواها=من بعد عزها عبيد تدري لكن يا مثقف=في وقتنا شل نريده في كتابك في مقالك=في عمودك بالجريده فكر واعي بالحقيقه=يرفع الدين بنشيده مو فكر "نشتيه" و غيره=وخلك بدينك شديد هالزمن صدق الولاية=تعني للمهدي نمهد شاعر اكتب لك قصيده=كاتب بأفضاله عدد قولوا إن العالميه=بدولة المهدي تجدد كل علم موجود عدنا=وتكشف اضعافا و تزيد من صدق حبه لحيدر=وارتوى من صافي نبعه قلبه ما يسكن الدنيا=ودينه ابداً ما يضيعه يمشي في العالم كأنه=وسط هذي الناس شمعه ويلهج بنهج البلاغة=ويحسن القول السديد وفي ختام القول صولوا=على النبي شمس الهداية وعلى سيف الدين حيدر=من لبس تاج الولاية وعلى من انزل الباري=في فضل حبهم الاية من لزم عترة الهادي =يأمن بيوم الوعيد 25 / 11 / 2010م