خنصر السماوات ياحسين لطفك اتنوح السماء=راسك بجبد السمه دامي استقر فرق بين الكعبه والرأس الشريف=رأسك الكعبه تطوفه بكل فخر شرف للكعبه الحجر وانت بدماك=بجبهتك يتوضى والله الحجر ومنهو كال حسين سلبوه القميص؟=خلي بالمنطق نناقش هالخبر عرة دين الله واجه بطف كربلاء=انطا قميصه وخلى دين الله انستر ولا تظن دم الحسين اللي يسيل=كون تتفكر اذا رايد عبر حسين كان اغلاف قران الجليل=ولمن طعنوا كامت تسيل السور وابد ما ارضى اذا مرة اسمعت=شخص كال حسين جسمه اصبح وذر حسين وحده حسين والدنيا ظلال=وعاز دين الله رسول لهل بشر انتشر جسم حسين كل قطعه رسول=ورتل القران كل جزأ انتشر خيولهم ما داسن بصدر الحسين=صدر ابو السجاد للعزة مقر نزل جبرائيل من قبل الخيول=وحظن جسم حسين ابو اليمه الاغر والنتيجه ما كسر ظلع الحسين=ظلع جبرائيل بالطف انكسر ولون شوفك ينتقل عبر الخيال=اتشوف جف حسين وطيل النظر اتشوف جف حسين بي فد شي غريب=خنصر الجف وين شو ماله اثر واذا تسأل عنه متحصل جواب=حاول التاريخ قبلك ماكدر الروايه اتكول بتروة الطغاة=وهذا مو صح خنصرة اشلون انبتر؟ بوقعة الطف رادت اطيح السماء=اهتزت من الغيض فاضت بالكدر حسين جند خنصرة وسوا عمود=استندت اعليه السمة بوقت الخطر