عــلـي خـويـه يـالاكـبر رايــده ويــاك         عـلـيله ولاصـبر وأصـبر عـلى فـرگاك


عـلـي خـويـه يـالاكـبر خـل اسـولفلك         خـويه اهـلي نـفسهم هـمه هـم اهلك
ايـعـيفوني عـلـيله شـلـون مـو أهـلك         وأموت بدار موحش خويه هم يرضاك


يـرضـاكم يـالاكـبر مــن اظـل وحـدي         أشـكبرني وهـاكثر احمل هظم چبدي
مــــا أگدر وحگ الـمـرتـضـى جـــدي         يـومـي لاعـشـت خـويه عگب عـيناك


فــرگاكـم صــعـب وآنـــه عـزيـزتـكم         وتـطـيب خـاطـري لـوشـفت لـمـتكم
مـهـيـوبـه يــخـويـه ابــهـاي هـيـبـتكم         مـكـسورة گلــب مــا اظــل اتـرجاك


ابـلـيـاكم أظــلـن بــس جـسـد لاروح         وعـبـد الله يـخويه اويـاك هـم ايـروح
دلـيلي عـلى أغـيابه مـو يـظل بـالنوح         و جفني اعليه بعد مايغمض ابممشاك


اتـنـطـر يـخـويـه لـــو بــعـد هـيـهـات         تـعـال أسـمع ونـيني وأسـمع الآهـات
ودمـع عيني چواني بيه احس جمرات         تـجـافـيني وأخــتـك مـاتـريد أجـفـاك


دنــيــاكـم يــالاكـبـر لارحــــم بــيـهـا         لأخــتــك فــاطـمـه ايـتـيـمه تـخـلـيها
مــتـهـزك لــمــن تــسـمـع بـواچيـهـا         هـــم تــرجـع بــعـد لـلـدار واتــلگاك