شعراء أهل البيت عليهم السلام - عيني تظل اعله الباب - فاطمة العليله (ع)

عــــدد الأبـيـات
14
عدد المشاهدات
2359
نــوع القصيدة
عامية
مــشــــاركـــة مـــن
أبو كوثر
تاريخ الإضافة
09/12/2010
وقـــت الإضــافــة
4:29 صباحاً
عيني تظل اعله الباب - فاطمة العليله (ع)
السيد عدنان الحمامي
عــيــنـي تـــظــل اعـــلــه الــبــاب         يـــمـــتـــه يــــجــــون أحـــبـــابــي
عــالــصــبـر گلـــبـــي ازغـــيـــرون         وآنـــــــــه عـــلــيــلــه يــــــــدرون
يـــمـــتـــه يــــجــــون احـــبـــابــي


يـبويه حـسين هاي اختي رقيه اوياك
وعـبد الله رضيع وچن خطر ممشاك
خـــل يـمـي يـظـل يـابـويه أتـرجـاك
أحـب ايدك أحب صدرك أحب عيناك
مــايــنــكـسـر گلــــبـــك لــــيـــش         بـــــويــــه وتــــحــــن الـــحـــالــي
ويــــه اخــوتــي امــشــي ايــكــون         وآنـــــــــه عـــلــيــلــه يــــــــدرون
يـــمـــتـــه يــــجــــون احـــبـــابــي


صـبـري مـايـطاوعني ودلـيلي ايـنوح
وأيــام الـحـزن بـيّـه تـخـلي اجــروح
وأصـبح كـل أمـل يـابو عـلي مـذبوح
دخـيل الله او دخـيلك بـويه لا لـتروح
يــابــويـه بـــــس عـــنــي اتــغـيـب         مـــيـــتـــه بـــقـــهـــر تــــلگانــــي
خـــــاف الــصــبـر بـــيّــه ايــخــون         وآنـــــــــه عـــلــيــلــه يــــــــدرون
يـــمـــتـــه يــــجــــون أحــــبــــاب


ثــغــري مــابـعـد يــابـويـه يـتـبـسـم
وبـوجـهـي دشـوفـه مـابـقه كــل دم
لا أنــتــه تــظــل لا أخــوتـي لاعـــم
وجــودك بـويـه هــوه الـعلتي بـلسم
يــــابـــويـــه روح الله اويــــــــــاك         ســـــالــــم تــــــــرد لـــوطـــانــك
بـــــــس لا لــخــتــهـم يـــنــســون         وآنـــــــــه عـــلــيــلــه يــــــــدرون
يـــمـــتـــه يــــجــــون احـــبـــابــي


مـشه عـني ابـويه وعافني أشحسب
بــنـت آنـــه وعـلـيّه صـعـب يـتـغيب
أشـلون اعـله الـصبر هـالروح تتغلب
اظــل بــس انـتـظر بـالدار وأتـعذب
ظــــعـــن الاهـــــــل لــــمـــن راح         دم الـــــــدمـــــــع بچانــــــــــــــي
أشــلــون الــهــم اتــنــام اعــيــون         وآنـــــــــه عـــلــيــلــه يــــــــدرون
يـــمـــتـــه يــــجــــون احـــبـــابــي


ظـعون اهـلي حدت لا وين ممشاهم
أخـوتـي أعــزاز گلـبي وأمـي ويـاهم
چن صـــوت الـقـدرلـحبابي نــاداهـم
ويـــن أنــشـد وأدور حـتـى الگاهــم
شـــمــا بـــعــدوا عــنــي الــغـيـاب         تـــبـــقــه الــــصــــور بــعــيــونــي
الــحــالــي شــعــجــب مــيـحـنـون         وآنـــــــــه عـــلــيــلــه يــــــــدرون
يـــمـــتـــه يــــجــــون احـــبـــابــي


مـاعوف الـبواچي أخـلافهم مـاعوف
وأطفي بالمناحه امن العيون الشوف
شـتشوف الـعيون أخلافهم شتشوف
وحـتـى مـايمر بـيها لـخوتي اطـيوف
جـــــــرح الاودهــــــم مـــاشـــوف         واحـــــــــد يــــجــــي ويــــروفــــه
ابــظــيــمـي اظــــلـــن يـــــــردون         وآنـــــــــه عـــلــيــلــه يــــــــدرون
يـــمـــتـــه يــــجــــون احـــبـــابــي