من الخروج إلى الوصول بالحسره .. بالحسره=شِدْ ضعنك للهجره يوليدي أَنَا الزهره أصْوات امْن الزّهره اللّيله=ايردّدها الْسَان الآجال تهتف واتﮕول ابحستها=واتحاﭼي احسين ابهالحال يوليدي اتفطّر دلاّلي=لحْوالك والْمدمع سال مكتوب اعليك ابهالدنيا=اتفارﮔني، واتشدّ ارحال يم ﮔبري .. يم ﮔبري=باصرني يا ذُخري لنْ ﮔلبي نفذ صبره يوليدي أنَا الزهره ﭼنّ ابعيني وانا ابكَبري=أنظر ضعنك يبني ايشيل من بعْد اوداعك للهادي=وادموعك عالخد اتسيل هَمْ جيت الكَبري اتودّعني=واتريد اتشِدْ بيّه الحيل كل خطوه ابْمشْيَك يوليدي=روحي اعليك ابحسره اتميل تهجرني .. تهجرني=وابلُوعه اتفارﮔني يالْعازم على المسره يوليدي أنَا الزهره امْسافر يبني وماخذ ﮔلبي=بالسَّفْره وبالهجره اوْياك وماخذ زينب ويّه اعيالك=أدري اتظلْ زينب بحماك والعبّاس اوياك اتجنّد=تسْلَمْ إيده وﭼف يمناك كلْ منكم ﭼيدوم اتقدّم=لاﭼن ادري ابجور اعداك اتحزّم .. اتحزّم=لفراﮔك واتألّم مو بيدي جرَتْ عبره يوليدي أنَا الزهره من تُوصَل للطّفّ ابضعنك=يُوﮔف مُهْرَك يا ﭼيدوم ما يرضى يمشي ابهالوادي=واتْبَدْله وﮔلبك مالوم تركب عشْره وما يحْتَرْكن=وهاذي الحكمه امْن القيّوم تنشِد عنْ هَالأَرْض البيها=تتجارى ابحومتها ادموم اتحسّر .. اتحسّر=لَوْضَاعك واتكدّر من تُوصل لَرِضْ ﮔفْره يوليدي أنَا الزهره تنشِد أصحابك يوليدي=واللُّوعه ابﮕلبك نيران اتﮕلّك هاي اطفوف وإلْها=أسْماء اكثيره امْن ازمان شَطْ لِفْرات (وعَقْر)وتحمل=إسْم اتْعرفه امْن الرحمان كربلا اتﮕلّك يوليدي=لازم بيها اتحطْ لضعان ابهالوادي .. ابهالوادي=اتْظل وحدك واتنادي يتجلّى صدى الثّوْره يوليدي أنَا الزهره هاي اترابك يبني وبيها=تنزِل بضعانك يحسين واخْيامك تنصبْها الأهْلك=وايْلُوحَنْ بحذَاك البين أيّام اتْمُرْ يبني ولَنّك=تنظر أصحابك صُوبين كل منهم مصروع ابتُربه=وهَمْ هاشمْ لن متجزرين تتوذّر .. تتوذّر=بالحُومه وتتعفّر وانته اتظل علَى الغبره يوليدي أنَا الزهره