الإمام الحسين(عليه السلام) حسين غير مجره تاريخ الشعوب =حسين صرخه وباقيه بوجه الزمن حسين غير مجره ذبذبة الرياح=وأبد ما همه العمر ينطيه ثمن حسين سجادة صلاه يوم الحساب=والفضايل يم حضرته يهتدن حسين موطف وانتهه بلحظه وداع=ولا ضحايا بكربله أبلايه چفن ولا سيوف وخيل وشباه الرجال=ذيچه لبلحظة ضعف ساءت الظن حسين من دمه رسم النه الحياة= ولتتصور يوم الحسين انطعن حسين آني وانته والماي وسماك=هاك أجمع ذني ميصيرن وطن حسين صوت يعيش باقي بكل ضمير=حسين عمري الراح وأيام اليجن حسين دمعه ومرت بكل العيون=والعيون الشالت أطيوفه أرتون حسين دم هاي السمه تبچي عليه= وانته صاحب فضل وعيونك بچن انته ممسوي فضل لمن بچيت= ادموع عينك من بچيت أتشرفن حسين شباج العفو وراحة ضمير= حسين كل زيناتنه بحضنه غفن حسين ثمرات الابه وصنع الرجال=حسين كلهن تالي بشليله صفن حسين مويعني العطش والحق يقال=حسين أنهار الوفه يمه التقن حسين شجره عافيه وتمطر فصول=وكل خضار الكون بچفوفه رون حسين راحة بال ودموع الفقير=الظلن بعينه ولحد متخلدن حسين ما شال السيوف بأي نزال=وظلن اسيوفه وأبد متجردن لان طاهر وجهه ظل باقي الحسين=والسيوف اگبال ضي وجهه استحن حسين ثوره ومرت بكل الاجيال= ولتتصور راح وايامه أنتهن حسين ولد بينه چم طف وحسين=وأحسب اشچم ثوره من بعده بدن حسين مشانه بدرب عز ونضال=وحفظ ماي وجوهنه بيوم المحن حسين ما ساوم قضيته بأي مجال=حسين ما فكر ولا لحظه صفن حسين ظلت لائه تسبح بالفضاء=ومنهو بعد يگولها ويلفظها من اتجمعت كل النعم ضد الحسين=وشوف تالي شلون يم لائه اسجدن حسين خط النه سفر من الخلود=حسين وگفاته أبد ما ينسن حسين أده بكل امانه اللي عليه=وأبد مابايع واديه ماساومن كيف قال أعطيكم اعطاء الذليل=حسين ماقر گالها وصرخه علن حسين لاوه الموت بس ماطخله راس=وانتصر عالموت وچفوفه التون حسين لو ما دمه في طف كربلاء=فروض ربك جان في لحظه أنتهن