إلى زيد ابن علي (ع) شگ زيگه الظلام وليل ياكل ليل=ومد روحه الصبح ويريد گمريه وخجلان الحزن وشفافه ذبلانات=خاف الموت مره اتجيب طاريه وعطشان النهر وبعيد عنه الماي=شايل مستحاه ويريد اله اميه ليش اتخاف وانته بمركب الاحباب=مو وحدك وياك هواي عبريه نفس الامتداد ونفس ذاك الصوت=بس هو الزمان اليفرق شويه من نفس العقيده ونفس ذاك البيت=لا ماكو فرق ما تفرق الجيه نعرف والمهم النور خلف نور=بي صوت الحقيقه وخالصه النيه زيد بثورته سار بنهج الحسين=وچانت ثورته مو ثوره سطحيه حرر كل فكر مسجون من الخوف=امسيطر عالعقول من العبوديه ما دام امتداد لارض طف حسين=الماگال النعم وعياله مسبيه وما دام العزم والحيل من حسين=شبت قاعده زيد النه فكريه أيدك شيلها وارفعها گوم ويايه=وما دامك محب هاك اخذ اديه واعلن للجميع بصوت بس ياصوت=مشدود بحزن والعله مخفيه من هذا المكان الطاهر الاعلان=خلي نصير كلنا اليوم ( زيديه) ؟