من تذكر مصاب الطاهره الزهره=أنحب عالضلع والباب والعصره أنحب عالضلع واتذكر اللي صار=من راح ورحل عنها النبي المختار فاطم سرها سر ما يشبه الاسرار=محد ما گدر بالعالم أيفسره محد ما گدر والسر بقه مدفون=يم رب العرش باقي ويظل مكنون بحزن خل تبچي هاليله وتهل لعيون=عليها بكل ألم وبلوعه وبحسره عليها بكل ألم يالرايد وتنعه=وأبد لتقصر أبهل ليله للبضعه بعدها بعز عمرها وطفوا الشمعه=النواصب والضلعها أتعصره وتكسره النواصب وبحقد للزهره منعوها=من حگها وارثها الشرعي غصبوها واجوا للدار بيها النار شبوها=وكل هذا الظلم هالوادم أتنظره بعد شكثر شيجره الفاطمه اعليها=شلون اتطاولت والگوم تاذيها أمانه الفاطمه المصطفى امخليها=وديعه أمن الجليل الباري وبأمره بكرامات وفضل عالدنيه علاها=وشفيعه لكل محب للزهره خلاها ابشر يالموالي ويالتحب طه=بحب فاطم صراطك باچر أتعبره