يالحسن بدموع وبهم نادتك=عالبعد واتصيح كلها شيعتك آه يامسموم .. شآه يامظلوم بالمصاب اليوم نبچيلك دمه=والزمن جرد علينه صارمه وصاب چبدك يبن حماي الحمه=وريت بينه ايصير كل سم چبدتك علت أصوات التحبك يالحسن=والك هالاعمار ندفعها ثمن يبقه شاهد يبقه ويظل الزمن=على الفطره الناس كلها حبتك يالحسن ياذنب من عندك جره=چبدتك بالسم وذر متوذره وتسعر النيران بينه اموجره=على الگوم وكل حقدها السمتك حيل نبچي اليوم واندگ عالصدر=والك نفدي يالحسن كل العمر ابيش نصبر بعد ما ظل كل صبر=صعب نتحملها احنه الفرگتك بجاه صبرك يالحسن كون الدعه=ماترده والقرالك تسمعه والنعالك من گلب صافي ونعه=كون يتسجلون كلهم صحبتك تبقه نارك بالگلب يالمجتبى=تسعر بكل الضماير لاهبه لا تظن هاي الضماير غايبه=كلها تبچي تنوح لجل امصيبتك