على امصابه بدمع للعسكري أبچينه=وينه المهدي ياخذ ثار ابوه وينه وينه الياخذ بثار الجره والصار=گبر جده وابوه فوگ الثره طشار يمته يسل عليهم سيف ذو الفقار=لأن شيعه النواصب ذوله سابينه سابينه وكظمنه بهل صبر چم دوب=مثل شمع المنايه يظل عمرنه ايذوب يمته تهل طلعته ولشوكت محجوب=والرايه بيمينه ويظهر اعلينه نظل يالعسكري وبدمعه نترقب=يهل ابنك علينه وبالحزن ننحب نارين أشتظن ياهو الأشد وأصعب=طحيت گبتك لو سمك البينه على امصابك يظل جرح الگلب يدي=عليك وبالحزن حادي الحزن يحدي رجانه يالحسن بالغايب المهدي=نترقب طلعته وزين يدرينه مصاب الگبه والسم وعظم صبرك=وجروح المنايه الخلصن عمرك والگوم بحقدهه الهدمت گبرك=يظل يسعر جمرها وحيل ماذينه عليك بكل وكت يالعسكري بدمعات=نبچي وما نمل لا و الله لا هيهات عالسم والگبر وهمومك بلوعات=نفدي بكل عمرنه والك ضحينه