لأمير المؤمنين علي (ع) انته ما محتاج عنك آنه أگول=أنته وحدك ملحمه بنص ملحمه أنته داحي الباب أبن عم الرسول=أنته حيدرها علي حامي الحمه أنته أبو حسين وحسن ولد البتول=كلها ولدك عالصراط محزمه من يصير حساب واحدنه أشيگول=الما يحبك ياعلي بعينه العمه كلها باچر توگف وتحني الرؤوس=وأنته وأهلك روسكم بس قائمه ياهو مثلك بالعلم زقه الرسول=أنته وحدك جنت بس الفاهمه وياهو مثلك بالعداله وبالاصول=اليريد السلم چنت اتسالمه وياهو مثلك بالشجاعه وبالقتال=أبد ما يخطي لون مره رمه وياهو مثلك ياعلي خصه الجليل=من هداه وانطاه الحره فاطمه آني من أكتب الك تدري شريد=رايد بجالك تجيني مرحمه لان حبك ياعلي أبلايه حدود=علي الفطره وياي ما أدري ونمه ياعلي شرد انه اگول وياعلي=انته وسط اقزام چانت ظالمه ما ثنيت الحيل وتعبت وشكيت=والاقزام تريد دينك تهدمه وانته متربي بحضن اشرف رسول=وهمه ميلحگوك ذوله الشرذمه يبقه حبك ياعلي بنص الگلوب=والك واحدنه بچه دموعه دمه حاولوا حبك يقسموه ما يصير=يبقه حبك واحد و منقسمه