امــانـه امــودعـه عــنـدك ولـدنـه         الـبـعـيد اتـحـفظه يـاحـيدر ولـدنـه
بــالارحــام مـــن صــرنـه ولــدنـه         ربـيـنـه اعــلـه الــولايـه الـحـيدريه

يـاهـو الـصـار الــه تـاريـخ يـنـشاد         عـلـيه الـدهـر لـيـل انـهـار يـنـشاد
حـسين الـصار الـه هـالدين يـنشاد         رضـيـعه لـجـل ديـنـه انـطاه هـديه

الـلـيالي مــن عگب عـيـنك ولـنـي         ومـصاب الـطف هـدم حيلي ولني
عگب ذاك الــخـدر والــعـز ولـنـي         الـــم بــايـدي يـتـامـه الـغـاضـريه

الـسمه لـجلك ورضها بحزن ماجن         ولـعد جـسمك خواتك خوف ماجن
عـلي لـيل اهـدعش يـاريت مـاجن         وگبــــل لـيـجـن تـمـنـيت الـمـنـيه

الـمحارم دوم ثـوب الـكم حـزنكم         وسـيـوف الـقـدر يـاوسفه حـزنكم
اجــيـت الـيـوم اشـاركـم حـزنـكم         بـــفگد خـــادم شـهـيد الـغـاضريه

تـبـعد واسـمـع اخـبـارك وشـملاك         وجـسر لـلغانمه شـمالي وشـملاك
شـمل واحـد تـره شملي وشملاك         وجـمعنه حـب عـلي حامي الحميه

بـحـشـاي الــدهـر چانـــون وجــار         جـسمي من الهضم متعوب والجار
يـبن جـعفر دخـيل اصـبحت والجار         الــه حگ اعـله جـاره بـكل سچيـه

عــلــى حــبــك تـرعـرنـه وعـيـنـه         ومـلـينه مــن شـرف حـبك وعـينه
ابـجاه اچفـوف ابـو فـاضل وعـينه         نــمـوت اعـلـه الـولايـه الـحـيدريه

مـن زغـري ارضـعت حـبك ويومي         الـكـوثر صــار مـشـروبي ويـومـي
گبــلـي والـــدي اتـــروه ويــومـي         رضــعـوا حــبـك يـحـماي الـحـميه

أبـويـه الگضــه عـمـره وراح امـي         وانــه بـطـيبه ونـهج مـسعاه امـي
عــسـه لا عـــذب الـمـعبود امــي         ارضـعتني حب علي حامي الحميه

الـمـحارم والـفخر والـعز فـضلكم         وگلــبـي تـــلگه جـيـتكم فـضـلكم
ابـفـرح يـاريـت ارد الـكم فـضلكم         يـهـالـي الـمـجـد والـعـز والـحـميه

الـخـير دوم عـلى الـطيبات يـنگال         يـتحمل حچي وعـلى الراس ينگال
مـثل عـد الـعرب كـل وكت ينگال         الـخـيـر مـلـك كــل هــاي الـبـريه

الـعـوالم لـيـش بـس تـربي عـلينه         واحـنـه ابـحـب عـلي حـيدر عـلينه
بــحـزن وبــنـوح وانـــودع عـلـيـنه         ونـــعــزي بـمـصـابـه الـفـاطـمـيه

عـلى راسـي تـراب الـحزن هاليت         الـلـيـالي دوم بــالاحـزان هـالـيـت
عـلى امـصاب الجواد اليوم هاليت         دمـوعـي والـمـآسي انـشـبت بـيه

الـكـرامه اتـفـصلت الـكم وحـدكم         وعـلمكم شـرف لـلمؤمن وحـدكم
ابـسـماء الـعـانمه يـزهـي وحـدكم         وانــتـم صــرتـوا ســادات الـبـريه

الــبـشـر مــنــك تــعـلـم ونـتـبـاها         وحگنــــه بــيــك نـفـخـر ونـتـبـاها
الـشـيـعـه انــتـه امـلـهـا ونـتـبـاها         وعـلـت بـسـمك لـعد هـاي الـثريه

جـيـوش الـكفر غـيرك مـن كـفلها         الـفواطم غـير شـخصك من كفلها
يـحـيدر بــت مـحـمد مــن كـفـلها         غــيـرك يـاعـلـي حـامـي الـحـميه

الـمـصـايبكم گلـبـنـه دوم يـنـصاب         ابـدليل المحب ما تم حزن ينصاب
عـلى الـباقر دمـعنه الـيوم ينصاب         الـشـاهد كــل مـآسـي الـغـاضريه

خـسـر مــن ايــد الـبـاطل وسـنـه         شـحصل مـن شـهر سـيفه وسـنه
اخــوه بـهل الـوطن شـيعه وسـنه         وجـمـعـتـنه الـشـريـعه الاحـمـديـه

ابـصـوت الـفـاجعه يـصـرخ عـلمها         الـحـزن آل الـنـبي الـعـالي عـلمها
خـــل انــنـوح وي زيــنـب عـلـمها         ونـواسـيـهـا بـدمـعـنـه الـفـاطـميه

حــزيـن الـعـالـم الـعـلوي عـلـيكم         الـبـاري لـخـتاركم رحـمـه عـلـيكم
نــعـزي الـغـايب اوحـيـدر عـلـيكم         بــفگد الـطـاهره الـبـضعه الـزچيه

اليحب حامي الحمه داره يحي دار         ودر الــمــنـه تـــغــده يــحــي دار
زيــنــب تـنـحـب عـلـمـها يـحـيـدر         وتـهـل الـدمـع مــن دم هـالـمسيه

الـشعر يـحله ابمدحكم دوم منهال         وعـلـيـكم دمـعـنه ابـحـزن مـنـهال
اشـحـال الـمرتضى الـكرار مـنهال         الـترب مـن وراه بـت سـيد الـبريه

مـتـه يـبـن الـحسن تـنهض وثـارك         عـلى نـهجك نـظل نـمشي وثـارك
حــزن جـدك عـلي الـهادي وثـارك         عـلـيه سـامـره حـزنـت هـالمسيه

عـلـيـك الـحـزن يـالـغايب مـصـيبه         وگلــبـه هـالـحزن غـيـرك مـصـيبه
فگد جــدك عـلـي الـهادي مـصيبه         بـغـرب مـسـموم وبـديـره اجـنـبيه

الـتـرب عـالـروس لـمصابك نـهلها         وحــزنـك كـــل مـشـاعرنه نـهـلها
مـدامـعـنه عـلـى امـصـابك نـهـلها         يــبـن جـعـفـر يـبـن سـيـد الـبـريه

يــسـادات الـبـشـر انــتـم مـردنـه         وشـفـاعـه غـيـركـم ابــدا مـردنـه
يـبـن جـعـفر حــزن فگدك مـردنه         وعـلـيك انــون لـعـد يــوم الـمـنيه

ولانـي ابـحب عـلي ثـابت وراسـي         وابـوي اواهـلي واجـدادي وراسـي
گوه عـزمي ابـشرف حـبه وراسي         بــقـى عــالـي لـعـد هــام الـثـريه

حـسين الـمصطفى الـهادي وصابه         مـصـابه هــد ركــن حـيلي وصـابه
عـلـيه ابـقـه اهــل دمـعـي وصـابه         وحـزنـي اعـلـيه لـعـد يـوم الـمنيه

الــنـايـم يـفـتـخر بـيـكـم وعــالـي         وعـلمكم بـالشرف رفـرف وعالي
الـشـفيعه فـاطـمه الـكـم وعـالـي         يـمـن حـزتـوا الـشـهاده الـعـالميه

بـخط واضـح اسـير وعـيب وهـمي         ابـحب حـيدر اسـولف دوم وهـمي
لـلـقـاسم اجــيـت انـخـاه وهـمـي         يـزيـلـه بــحـق ذبــيـح الـغـاضـريه

الامـــه الـحـاربت حـيـدر تـرامـيت         كـلـه اعـقـول مـن عـدها تـراميت
بـس الـلي عـلى اجـدامه تـراميت         مـجـدها وصــل يــم هــام الـثـريه

لـعـد گبــرك يـبو ابـراهيم مـشتاق         ولـغـيرك لا ابــد هـيـهات مـشـتاق
يمن اسمك من اسم اللوح مشتاق         وغــيـرك مـنـوجـد ســيـد الـبـريـه

الـعـوالم لـيـش بـس تـربي عـلينه         واحـنـه ابـحـب عـلي حـيدر عـلينه
صـــدك هـالـلـيله انـــودع عـلـيـنه         ونـــعــزي بـمـصـابـه الـفـاطـمـيه

الـمـدح مــا يـحله الـغيرك حـلالك         وبــنـت الـنـبي بـامـر الله حـلالـك
الـخـلافـه مــوش طـالـبها حـلالـك         الـخـلـيفه انــتـه بـامـررب الـبـريه

عــن حـيـدر اخـبرك دوك سـلمان         عـدوه الـغصب حـقه وراح سلمان
هـوه الـلي حـضر والـدفن سلمان         يـحـضر مـن تـوصل الـروح الـمنيه

حــي در الـيغدي الـمحب حـي دار         ودار الـتـود حـامي الـجار حـي دار
رضـعت حـبه كـبرت وشفت حيدر         امــيـر الـمـؤمـنين اعــلـه الـبـريه

اشـحـده الگال عــن حـيك وشـيبه         وشـخـصك مــا گدر واحـد وشـيبه
الـوليد انـته اگطـعت راسه وشيبه         وسـيـفـك هــزعـروش الـجـاهـليه