اليخدم دينه باخلاص = تتقدر مساعيه وسيد محمد اسمه يلوح= ابسماء الكره الارضيه من انتابع التاريخ =ونطالع سجلاته نشوف اشكثر شخصيات= الهم فتح صفحاته يمجدهم بگه لليوم =تعال اقره مقالاته حگه يفتخر بيهم= الخدمتهم الدينيه خل ناخذ عبر منهم =منهم ميثم التمار صحيب المرتضى ابعصره= النه تروي الاخبار طلع وياه تالي الليل= وحچاله ابغامض الاسرار وميثم من علي اتعلم= كل اسرار غيبيه يميثم گله من بعدي= الكوفه اتطيع لبن ازياد ويصلبك على نخله =عدو دين وفعل ما راد ويگطع اديك ورجليك =وانته اتصيح على الاشهاد ولسانك تالي ايگطعوه= النكروا للربوبيه ميثم جاوبه الكرار =يگله افرحت من حيني خل انه شيصير وياي= وسالم مبدئي وديني وحبك ثابت ابگلبي =وهذا الشرف يكفيني وميثم هذا گبره ينور= ضحه بخالص النيه مثل ميثم بقه خالد =للتعريف ما يحتاج وسعيد ابن جبير النوب= هذا العاصر الحجاج والحجاج اله تاريخ =دفن چم شاب تحت اسياج وسعيد الخلده التاريخ= باجل صفحات ذهبيه ومن نگصد سعيد انزور= نشوف الابه باركانه وحين التقره تاريخه =تعرف شنهو عنوانه تعرفه مخلص الدينه =ويشع دوم بايمانه الشهاده اختارها ومن راح= راح بنفس مرضيه وخل انروح لرض الشام =ونقره عن حجرونشوف اهو وجملة اصحابه =صبح تاريخهم معروف اهمه نكروا المنكر =والامروا بالمعروف رفعوا راية الإسلام= بالسر والعلانيه ونتابع سيرة الابطال =نمر ابكربله ونقره القايد راية الانصار =حبيب اونعم من سفره گبل لتطب تزور حسين= حبيب اتمر على گبره بني اسد حگها تفخر بيه= وتمجد ابطاريه وخل ابكربله نبقه =ونشوف اشدون التاريخ عن الحر وعن شبله =مجدهم وصل للمريخ وگفوا وگفة الابطال =بعيون الاعادي صيخ وكتبوا مجد بالتاريخ= ما يندرس ماضيه وجميع اللي خدم لحسين= هذا طيب المرضع من تقره اشكثر عنه =ابد متمل ولا تشبع ولي للمسلمين اصبح =سيد محمد المرجع رافع راية الإسلام= روحه روح ثوريه صدر وتصدر الإسلام= وبفكره اشكثر خطط يخدم دين سيد الكون =المثله بالگلب ينحط ابعصرنه ما أجه مثله= حط اعله الحروف انقط ابمهاره وعبقريه وفن =بعد وافكار علميه الشجاعه ثوب اله صار =هو الكسر طوق الخوف وگبله چان كل واحد =ابحبل الخوف اهو مچتوف وصلاة الجمعه اعلنها =وجزت وتعدت الالوف وغدت تحسب الناس حساب= الصلاة الجمعه تتهيه طب ابيت كل مؤمن= وتملك اگلوب الناس وراه الفقه يشهدله =وهذا صار اجل مقياس وبعض عادات حاربها =وهيه الطرب بالاعراس والنجحت بهذا اليوم= بس حفله اسلاميه مصاب الصدر المنه =وحگ صدر الذي مرضوض حزين العالم امسه اعليه= وبفگده صبح مبهوض انكسر صدرالإسلام اليوم= بعد الصدر بيش ينوض الدمع من يومه والهاليوم= ما ينگطع جاريه الحوزه نمت بوجودك =يتيمه اصبحت من بعدك الزعيم الها چنت انته= لچنها انصابت ابفگدك تظل بعيونها عايش ويظل= مجدك وحگ مجدك عبره ودرس للاجيال =وحگ المشت مسبيه يبقى الصدر بالتاريخ =ما ينزال ابد هيهات وينه الحاربه اشحصل= الصدر ما مات اهو المات خط اعظم سفره بيده =وعله الذل ابد مابات وبگت هالناس متمسكه= بعلومه وفتاويه يسيد محمد ابفگدك =نعزي كل رجال الدين ونعزي العالم العلوي= مثلنه عليك هل العين استشهادك لجل دينك =يوالد مصطفى ابهالحين الشعر مايگدر ايوصفه= عجزهوه وقوافيه