يومك يبن حامي الجار= خالد ابعمر الدهر يومك درس للابطال = يوم فخر للاجيال خالد ابعمر الدهر يومك يبن حامي الحمه انمجده=يومك وسام وثورتك خالده اليومك ملوك اهل الارض ساجده=ما ننسه يومك سيدي انجدده يومك يمجده التاريخ = بيه الإسلام انتصر تحققت بيه الآمال = يومك فخر للاجيال خالد ابعمر الدهر تعلمنه من يومك نصون الشرف=وكل أبي ابيومك ياغيور اعترف باجمل وصاف التضحيه من انوصف=يومك بطولي اوبشجاعه انعرف ومن يومك الهذا اليوم = ما مثل شخصك ظهر ابعمر الدهر مهما طال = يومك فخر للاجيال خالد ابعمر الدهر يومك يبن حيدر صبح مدرسه=وكل فيلسوف ابكل عصر يدرسه يشاهد درس للنايم احسسه=يبقى اليومك سيدي حارسه والمشه ابنهجك ربحان = أي وحگ سيد البشر كل مخلص ابيومك گال = يومك فخر للاجيال خالد ابعمر الدهر والخالفت نهجك يبن فاطمه=ماربحت وخسرت بگت نايمه الما تبعتك يحسين متوهمه=ما تستحق تتسمه بالمسلمه الخالفت نهجك يحسين = ما بيها بس الضرر بس حصلت قيل وقال = يومك فخر للاجيال خالد ابعمر الدهر واليومك مرينه ابعصر للاسف=افقدنه القيم والعدل راح وتلف نسينه مبادئنه اونسينه الهدف=نحفظ الدين ونحمي بعده الشرف واليحفظ الدين اليوم = اتميز اونال الظفر توگفله الناس اجلال =يومك فخر للاجيال خالد ابعمر الدهر نستاهل احنه اللي علينه جره=ونار الاحقاد ابينه اموجره چي عفنه منهج عترة الطاهره=وخلي عدونه يسجل ابدفتره المر نشوفه ابكل يوم = واليوم شفنه الامر واللي حلو وعال العال = يومك فخر للاجيال خالد ابعمر الدهر ونرجع اليومك يبن سيد العرب=مسجل يبن حيدر ابماي الذهب يومك عظيم اويحمل اسمى الرتب=ومن نقره عن يومك نشوف العجب قدمت سبعه اوسبعين = سيدي اوسبعه اوعشر هذا مجد ما ينزال = يومك فخر للاجيال خالد ابعمر الدهر واللي يالمنه يبن فاطمه=اليومك بچت يحسين ارض وسمه بس ظل عليك اوحرگوا امخيمه=وچم طفله بالبر اصبحت هايمه وشچم طفل بالبر هام = شارد ابهمه ايعثر يحتاج اوصف هالحال = يومك فخر للاجيال خالد ابعمر الدهر